കാസര്കോട്: മദ്യലഹരിയില് യുവാവ് സഹോദരനെ കുത്തിക്കൊന്നു. ബദിയടുക്കയിലാണ് സംഭവം. ഉപ്പളിഗെ സ്വദേശി തോമസ് ഡിസൂസ (38) ആണ് കൊല്ലപ്പെട്ടത്. അനുജന് രാജേഷ് ഡിസൂസയെ പോലീസ് കസ്റ്റഡിയിലെടുത്തു.
ഇന്നലെ അര്ദ്ധരാത്രിയായിരുന്നു സംഭവം. ആക്രമണത്തില് ഇവരുടെ അയല്വാസി വില്ഫ്രഡ് ഡിസൂസയ്ക്കും പരിക്കേറ്റു. ഇയാളെ പരിയാരം മെഡിക്കൽ കോളേജിൽ പ്രവേശിപ്പിച്ചിരിക്കുകയാണ്. സഹോദരങ്ങൾ രണ്ട് പേരും മദ്യലഹരിയിൽ ആയിരുന്നു. ഇരുവരും തമ്മിൽ തർക്കമുണ്ടായി അത് കയ്യാങ്കളിയിലേക്ക് എത്തുകയായിരുന്നു. ഇതിന് പിന്നാലെയാണ് അനുജനായ രാജേഷ് തോമസിനെ കുത്തിയത്.
തോമസിന്റെ മൃതദേഹം കാസർകോട് ജനറൽ ആശുപത്രിയിലേക്ക് മാറ്റും. തുടർന്ന് പോസ്റ്റ്മോർട്ടം നടത്തും. രാജേഷിനെ ചോദ്യം ചെയ്യുമെന്നും പോലീസ് അറിയിച്ചു.
