പട്ന : ഇന്ത്യയിലെ ഇതിഹാസമായ രാമായണത്തെക്കുറിച്ച് പഠിക്കാനും ഗവേഷണം നടത്താനും ലോകത്തിലെ ആദ്യ രാമായണ്‍ സര്‍വ്വകലാശാല ബീഹാറില്‍ ഒരുങ്ങുന്നു. 2022 ജൂലായില്‍ സര്‍വ്വകലാശാലയുടെ കവാടങ്ങള്‍ ലോകത്തിന് മുന്നില്‍ തുറന്നുകൊടുക്കുന്ന രീതിയില്‍ കാര്യങ്ങള്‍ അതിവേഗം മുന്നേറുകയാണ്.
ബീഹാറിലെ കൊൻഹാര ഘട്ട് മഠത്തില്‍ സ്ഥാപിക്കുന്ന സർവകലാശാലയ്‌ക്ക് ആവശ്യമായ 12.5 ഏക്കർ ഭൂമി അനുവദിച്ചു കഴിഞ്ഞതായി മഹാവീർ മന്ദിർ ട്രസ്റ്റ് സെക്രട്ടറി ആചാര്യ കിഷോർ കുനാൽ പറഞ്ഞു. ഇവിടെ സർവകലാശാലയുടെ പ്രധാന കെട്ടിടം, അക്കാദമിക് കെട്ടിടം ഉൾപ്പെടെ എല്ലാ അടിസ്ഥാന സൗകര്യങ്ങളും നിർമിക്കും. ഇതിന് ആവശ്യമായ തുക മഹാവീർ മന്ദിർ വഹിക്കും.
കിഴക്കൻ ചമ്പാരൻ ജില്ലയിലെ കേസരിയയിൽ 110 ഏക്കർ സ്ഥലത്ത് മഹാബീർ മന്ദിർ ട്രസ്റ്റ് 500 കോടി രൂപ ചെലവില്‍ ലോകത്തിലെ ഏറ്റവും ഉയരം കൂടിയ രാമക്ഷേത്രവും നിർമ്മിക്കുന്നുണ്ട് . കംബോഡിയയിലെ അങ്കോർ വാട്ട് ക്ഷേത്രമാണ് നിലവിലെ ഏറ്റവും ഉയരമുള്ള ക്ഷേത്രം.
രാമായണത്തെക്കുറിച്ചുള്ള അഞ്ച് വർഷത്തെ കോഴ്‌സും ഉപനിഷത്തുകൾ, വേദങ്ങൾ, ഗീത എന്നിവയെക്കുറിച്ചുള്ള ആറ് മാസത്തെ കോഴ്‌സുകളുമാണ് പ്രത്യേകത. .സിലബസിൽ ജ്യോതിശാസ്ത്രം, ജ്യോതിഷം, ജ്യോതിശാസ്ത്രം, ഹിന്ദു പുരാണങ്ങൾ എന്നിവയും ഉൾപ്പെടും. കമ്പറുടെ തമിഴ് രാമായണവും സന്ത് ഏകനാഥിന്റെ മറാത്തി രാമായണവും വാൽമീകി രാമായണവും വിദ്യാർത്ഥികൾക്ക് പാഠ്യവിഷയമാകും .
തായ്‌ലൻഡ്, ഇന്തോനേഷ്യ, മലേഷ്യ എന്നിവിടങ്ങളിലെ രാമായണ കൈയെഴുത്തുപ്രതികളും ഉപയോഗിക്കും.രാമായണത്തെയും അനുബന്ധ വിഷയങ്ങളെയും കുറിച്ചുള്ള വിപുലമായ ഗവേഷണ കേന്ദ്രമായും ഈ സർവകലാശാല പ്രവർത്തിക്കും.
