പാലാ: കമന്റടിച്ചത് ചോദ്യം ചെയ്ത ഭര്‍ത്താവിനും ഗര്‍ഭിണിയായ ഭാര്യയ്‌ക്കും മര്‍ദ്ദനം ഏറ്റു. ഗര്‍ഭിണിയുടെ വയറ്റില്‍ ചവിട്ടി പരിക്കേല്‍പ്പിച്ചു. പാലാ സ്വദേശികളായ ജിന്‍സി ഭര്‍ത്താവ് അഖില്‍ എന്നിവര്‍ക്കാണ് മര്‍ദ്ദനം ഏറ്റത്.
പാലായില്‍ ഞൊണ്ടികവലയിലെ വര്‍ക്ക്‌ഷോപ്പ് തൊഴിലാളികളാണ് ഇവരെ ആക്രമിച്ചത്. ഗര്‍ഭിണിയും ,വിദ്യാര്‍ത്ഥിയുമായ ജിന്‍സിയും, ഭര്‍ത്താവ് അഖിലും റോഡിലൂടെ നടന്ന് പോയപ്പോള്‍ വര്‍ക്ക്‌ഷോപ്പില്‍ നിന്ന് കമന്റടികള്‍ ഉണ്ടായി. ഇത് അഖില്‍ ചോദ്യം ചെയ്തു ഇതേത്തുടര്‍ന്ന് അഖിലും വര്‍ക്കഷോപ്പില്‍ ഉണ്ടായിരുന്നവരും തമ്മില്‍ വാക്ക് തര്‍ക്കത്തില്‍ ഏര്‍പ്പെട്ടു. തുടര്‍ന്ന് അതി ക്രൂരമായി അഖിലിനെ മര്‍ദ്ദിച്ചു. ഇത് കണ്ട് തടയാനെത്തിയ ജിന്ഡസിയുടെ വയറില്‍ ചവിട്ടി.ഇതിന്റെ വീഡിയോ ദൃശ്യങ്ങളും ഇവരുടെ കൈയില്‍ ഉളളതായി പറയുന്നു.
പിടിയിലായവര്‍ പാറപ്പളളി കറുത്തേടത്ത് ശങ്കര്‍, അമ്പാറ നിരപ്പേല്‍ പ്ലാന്തോട്ടതില്‍ ജോണ്‍സണ്‍, മുണ്ടക്കാന്‍മേടയ്‌ക്കല്‍ ആന്റോ എന്നിവരാണ്. ആക്രമണത്തിന് ശേഷം വര്‍ക്ക്‌ഷോപ്പ് ഉടമ ഉള്‍പ്പെടെ ഒളിവില്‍ പോയിരുന്നു. എന്നാല്‍ പാലാ പോലീസിന്റെ സമയോജിത ഇടപടല്‍ മൂലം പെട്ടെന്ന് തന്നെ പിടികൂടാന്‍ സാധിച്ചു.
