ഇടുക്കി: സൂര്യാഘാതം ഏല്ക്കുന്നതിനുള്ള സാഹചര്യം കണക്കിലെടുത്ത് വെയിലത്ത് നിന്ന് പണിയെടുക്കുന്ന തൊഴിലാളികളുടെ ജോലി സമയം ഏപ്രില് 30 വരെ പുനഃക്രമീകരിച്ചു ലേബര് കമ്മീഷണര് ഉത്തരവ്.
എല്ലാ തൊഴിലാളികള്ക്കും ഉച്ചക്ക് 12 മുതല് 3 വരെ വിശ്രമ വേളയായിരിക്കും. ഇവരുടെ ജോലി സമയം രാവിലെ 7 മണി മുതല് വൈകിട്ട് 7 വരെയുള്ള സമയത്തിനുള്ളില് 8 മണിക്കൂറായി നിജപ്പെടുത്തി. ഷിഫ്റ്റ് വ്യവസ്ഥയില് ജോലി ചെയ്യുന്ന തൊഴിലാളികള്ക്ക് രാവിലത്തെ ഷിഫ്റ്റ് ഉച്ചക്ക് 12 മണിക്ക് അവസാനിക്കുന്ന തരത്തിലും ഉച്ചയ്ക്ക് ശേഷമുള്ള ഷിഫ്റ്റ് വൈകിട്ട് 3ന് ആരംഭിക്കുന്ന തരത്തിലും പുന:ക്രമീകരിച്ചിട്ടുണ്ട്.
തൊഴിലുടമകള് തൊഴിലാളികളുടെ ജോലി സമയം ഈ രീതിയില് ക്രമീകരിച്ച് നല്കണമെന്നും ഇക്കാര്യത്തില് വീഴ്ച വരുത്തിയാല് തൊഴിലുടമകള്ക്കെതിരെ കര്ശന നിയമനടപടി സ്വീകരിക്കുന്നതാണെന്നും ജില്ലാ ലേബര് ആഫീസര് അറിയിച്ചു. തൊഴിലാളികള് ഉച്ചയ്ക്ക് 12 മണി മുതല് 3 മണി വരെ വെയിലത്ത് പണിയെടുക്കുന്നത് ശ്രദ്ധയില്പ്പെട്ടാല് വിവരം അറിയിക്കാവുന്നതാണ്. ഫോണ്: 04862222363, 8547655396.
