ലണ്ടന്: ഇംഗ്ലീഷ് പ്രീമിയര് ലീഗില് ലിവര്പൂളിനും ആഴ്സണലിനും ചെല്സിക്കും ജയം. നോര്വിച്ചിനെ ഒന്നിനെതിരെ മൂന്ന് ഗോളുകള്ക്കാണ് ലിവര്പൂള് തോല്പ്പിച്ചത്. സാദിയോ മാനെ, മുഹമ്മദ് സല, ലൂയിസ് ഡയസ് എന്നിവരുടെ ഗോളിലാണ് ലിവര്പൂള് വിജയിച്ചത്. 48-ാം മിനിറ്റില് മിലോട്ട് റീഷിക്കയിലൂടെ നോര്വിച്ചാണ് ആദ്യം മുന്നിലെത്തിയത്. 64-ാം മിനിറ്റില് സാദിയോ മാനെ സമനിലയിലെത്തിച്ചു. 67-ാം മിനിറ്റില് മുഹമ്മദ് സല ലീഡ് നല്കി. 81-ാം മിനിറ്റില് ലൂയിസ് ഡയസ് ഗോള് നേടി.
മറ്റൊരു മത്സരത്തില് ക്രിസ്റ്റല് പാലസിനെ എതിരില്ലാത്ത ഒരു ഗോളിന് ചെല്സി തോല്പ്പിച്ചു. 89-ാം മിനിറ്റില് ഹാക്കിം സിയാക്കാണ് ഗോള് നേടിയത്. ആദ്യ പകുതിയില് ഇരു ടീമുകള്ക്കും ഗോള് നേടാനായില്ല. സമനിലയിലേക്കെന്ന് തോന്നിച്ച മത്സരത്തില് കളി തീരാന് ഒരു മിനിറ്റ് ശേഷിക്കെയാണ് ചെല്സി വിജയിച്ചത്.
മറ്റൊരു മത്സരത്തില് ആഴ്സണല് ഒന്നിനെതിരെ രണ്ട് ഗോളുകള്ക്ക് ബ്രന്ഡ്ഫോര്ട്ടിനെ തോല്പ്പിച്ചു. സ്മിത്ത് റോവ് (48), ബുക്കായോ സാക്ക (79) എന്നിവരാണ് ആഴ്സണലിനായി ഗോള് നേടിയത്. ബ്രന്ഡ്ഫോര്ട്ട് കളി തീര്ന്ന് അധിക സമയത്ത് ക്രിസ്റ്റിയന് നോര്ഗാര്ഡിലൂടെ ഗോള് നേടി.
