ന്യൂദല്‍ഹി: ബോളിവുഡ് നടി സോനം കപൂര്‍ വാലന്‍റൈന്‍സ് ഡേയില്‍ ഭര്‍ത്താവ് ആനന്ദ് അഹൂജയ്‌ക്ക് ട്വിറ്ററില്‍ അയച്ചത് പ്രണയസന്ദേശം. പക്ഷെ സോനം കപൂര്‍ ട്വീറ്റ് ചെയ്തത് പാകിസ്ഥാനിലെ ലാഹോറില്‍ നിന്നാണെന്ന വിവരം പുറത്തുവന്നതോടെ ട്വിറ്റര്‍ ഉപയോക്താക്കളുടെ രോഷം അണപൊട്ടി.
പുല്‍വാമ ആക്രമണത്തിന്റെ മൂന്നാം വാര്‍ഷികദിനമായ തിങ്കളാഴ്ച തന്നെ പാകിസ്ഥാനിലെ ലാഹോറില്‍ നിന്നും ട്വിറ്റര്‍ സന്ദേശമയച്ചത് ഉചിതമായില്ലെന്ന അഭിപ്രായമാണ് ട്വിറ്റര്‍ ഉപയോക്താക്കള്‍ പ്രകടിപ്പിക്കുന്നത്. ഇന്ത്യന്‍ പട്ടാളക്കാര്‍ക്ക് നേരെ പാകിസ്ഥാന്‍ സ്‌പോണ്‍സര്‍ ചെയ്ത തീവ്രവാദികള്‍ നടത്തിയ മാരകമായ ആക്രമണമാണ് പിന്നീട് പുല്‍വാമ ആക്രമണമായി അറിയപ്പെട്ടത്.
‘പ്രണയത്തെപ്പോലെ സുപ്രധാനമായ മറ്റൊന്നില്ല,’- ഇതായിരുന്നു സോനം കപൂര്‍ ഭര്‍ത്താവിന് അയച്ച സന്ദേശം. പക്ഷെ എന്തിനാണ് ലാഹോറില്‍ നിന്നും ട്വീറ്റ് ചെയ്യുന്നത് എന്നായിരുന്നു ട്വിറ്റര്‍ ഉപയോക്താവായ വിനീത് കുമാര്‍ ചൗരാസ്യയുടെ സംശയം.
പുല്‍വാമ ആക്രമണത്തിന്റെ മൂന്നാം വാര്‍ഷിക ദിനത്തില്‍ തന്നെ ലാഹോറില്‍ നിന്നും ട്വീറ്റ് ചെയ്തതില്‍ നാണക്കേടില്ലേ എന്നായിരുന്നു റൈറ്റ് വിങ് ഗൈ ചോദി.ച്ചത്.
ഹിജാബില്ലാതെ പാകിസ്ഥാനിലെ ലാഹോറില്‍ പോകുന്നതില്‍ പ്രശ്‌നമില്ലെ എന്നായിരുന്നു അനന്യ മിശ്ര ഹിജാബ് വിവാദത്തി്‌ന്റെ പശ്ചാത്തലത്തില്‍ ചോദിച്ചത്.
വാസ്തവത്തില്‍ സോനം കപൂറിന്റെ ഭര്‍ത്താവ് ആനന്ദ് അഹൂജയുടെ ഫാഷന്‍ ബ്രാന്റായ ഭാനേ പാകിസ്ഥാന്‍ വിപണിയുടെ സാധ്യത തേടിക്കൊണ്ടിരിക്കുന്നതിന്റെ ഭാഗമായിരുന്നു സോനം കപൂറിന്റെ ലാഹോര്‍ സന്ദര്‍ശനം.
