കൊല്ലം: ജില്ലയില്‍ കരമണ്ണ് മാഫിയ പിടിമുറുക്കുന്നു. കുന്നുകളായ കുന്നുകളെല്ലാം ഭൂമാഫിയ ഇടിച്ചുനിരത്തി വയലുകളും തണ്ണീര്‍തടങ്ങളും നികത്തുകയാണ്. കരമണ്ണ് ഖനനം നിയന്ത്രിക്കാന്‍ പോലീസ്, റവന്യു അധികൃതര്‍ക്ക് സാധിക്കുന്നില്ല. ഇത് സിപിഎം നേതാക്കളുടെ രാഷ്‌ട്രീയ ഇടപെടല്‍ മൂലമാണെന്ന് ആക്ഷേപം.
അനധികൃത മണ്ണെടുപ്പിനെതിരെ പോലീസാണ് പലപ്പോഴും പരിശോധനയ്‌ക്കിറങ്ങുന്നത്. പരിശോധന ശക്തമാകുമ്പോള്‍ പോലീസിനെതിരെ കള്ളപരാതിയുമായി മണ്ണുമാഫിയ രംഗത്തിറങ്ങും. മുമ്പ് ഇത്തരം അനുഭവങ്ങള്‍ ഉണ്ടായപ്പോള്‍ നിരവധി പോലീസ് ഉദ്യോഗസ്ഥരാണ് ബുദ്ധിമുട്ടുകള്‍ നേരിട്ടത്.
മണ്ണെടുപ്പിനെതിരേ റവന്യൂ, ജിയോളജി വകുപ്പുകളെ മറികടന്ന് പ്രവര്‍ത്തിച്ച ചരിത്രവും പോലീസിനുണ്ട്. അനധികൃത മണ്ണുകടത്തല്‍ കേസുകളില്‍ ലക്ഷക്കണക്കിന് രൂപ കോടതിയില്‍ പണ്ടിഴ കെട്ടിവയ്‌പ്പിക്കുന്നത് പേണ്ടാലീസ് പരിശോധനയുടെ ഫലമാണ്. ജിയോളജി നല്‍കുന്ന പാസില്‍ കൃത്രിമം കാട്ടി മണ്ണെടുക്കുന്നത് പതിവാണ്.
വ്യാജപാസും സീലും നിര്‍മിച്ചാണ് ഇത്തരം സംഘങ്ങളുടെ മണ്ണ് കടത്തല്‍. ജിയോളജി, റവന്യു ഉദ്യോഗസ്ഥര്‍ മണ്ണെടുക്കുന്നതിന് സ്ഥലത്ത് ചെന്ന് പരിശോധന നടത്തി വേണം അനുമതി നല്‍കാന്‍ എന്നാണ് വ്യവസ്ഥ. എന്നാല്‍, സ്ഥലത്ത് ജിയോളജി വകുപ്പ് പോകാറേയില്ലെന്നതാണ് ആക്ഷേപം.
അടുത്തിടെ ചാത്തന്നൂര്‍ ഭാഗത്ത് പത്തുസെന്റ് സ്ഥലത്ത് മണ്ണെടുക്കാന്‍ 304 പാസുകളാണ് ജിയോളജി വകുപ്പ് നല്‍കിയത്. എന്നാല്‍ 50 ലോഡ് മണ്ണുമാത്രമേ അവിടെ നിന്നും എടുക്കാനുള്ളു എന്നാണ് പോലീസ് കണ്ടെത്തിയത്. പാസ് അനുവദിച്ച ബുക്ക് പോലീസ് പിടിച്ചെടുത്ത് സ്‌റ്റേഷനില്‍ കൊണ്ടുവന്നു.
പിന്നീട് ഈ പാസ് വാങ്ങാന്‍ ഒരാളും സ്‌റ്റേഷനിലേക്ക് എത്തിയില്ല. എന്നാല്‍ പോകാനുള്ള മണ്ണ് പോവുകയും ചെയ്തു. ഇതിന് അര്‍ത്ഥം വ്യാജപാസ് മണ്ണുമാഫിയകളുടെ കൈവശം ഉണ്ടെന്നു തന്നെയാണ്. ഇതെല്ലാം പരിശോധിക്കേണ്ട ജിയോളജി വകുപ്പ് മണ്ണുമാഫിയള്‍ക്ക് നേരെ കണ്ണടച്ചെന്നാണ് ആക്ഷേപം.
