തെങ്കാശി: മൂര്ഖന്റെ കടിയേറ്റ് ആശുപത്രിയിലായ വാവ സുരേഷിന്റെ ആരോഗ്യ പുരോഗതിക്കായി തമിഴ്നാട് പൊലീസ് പ്രത്യേക പൂജ നടത്തി. തെങ്കാശി ജില്ലയിലെ കരിവാലം വണ്ടനല്ലൂര് സ്റ്റേഷനിലെ സര്ക്കിള് ഇന്സ്പെക്ടര് കാളിരാജന്, സബ് ഇന്സ്പെക്ടര് രാജഗോപാല്, പഞ്ചായത്ത് പ്രസിഡന്റ് മാരിയപ്പന് എന്നിവരുടെ നേതൃത്വത്തിലാണ് സുരേഷിന്റെ ഫോട്ടോ പതിച്ച ബോര്ഡുമായി ശ്രീ പാല്വണ്ണനാഥര് ക്ഷേത്രത്തില് പൂജകളും വഴിപാടുകളും നടത്തിയത്. പിടിക്കുന്ന പാമ്പുകളെ വനത്തില് എത്തിച്ച് ആവാസ വ്യവസ്ഥയുടെ ഭാഗമാക്കുന്നതിനാലാണ് വാവ സുരേഷിനായി പ്രത്യേകം പൂജ നടത്തിയതെന്ന് പൊലീസ് പറയുന്നു. സുരേഷിന് ആശംസകളുമായി പോസ്റ്ററുകളും തയാറാക്കി. കോട്ടയം മെഡിക്കല് കോളജ് ആശുപത്രിയില് ചികിത്സയിലുള്ള വാവ സുരേഷിനെ തിങ്കളാഴ്ച ഡിസ്ചാര്ജ് ചെയ്യുമെന്നാണു സൂചന.
വാവ സുരേഷിന്റെ ദീര്ഘായുസ്സിനും ആരോഗ്യത്തിനുമായി പാല്വണ്ണനാഥര് ക്ഷേത്രത്തില് പ്രത്യേക പൂജ നടത്തി തമിഴ്നാട് പൊലീസ്
പിടിക്കുന്ന പാമ്പുകളെ വനത്തില് എത്തിച്ച് ആവാസ വ്യവസ്ഥയുടെ ഭാഗമാക്കുന്നതിനാലാണ് വാവ സുരേഷിനായി പ്രത്യേകം പൂജ നടത്തിയതെന്ന് പൊലീസ് പറയുന്നു.
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.