മുംബൈ: ഇന്ത്യന് ടെസ്റ്റ് ക്രിക്കറ്റ് ടീമിന്റെ ക്യാപ്റ്റന് സ്ഥാനം ഒഴിഞ്ഞ വിരാട് കോഹ്ലിയുടെ തീരുമാനത്തോട് പ്രതികരിച്ച ഭാര്യ അനുഷ്കയുടെ തുറന്ന പ്രതികരണം വൈറല്.
‘2014ലെ ആ ദിവസം ഞാന് ഓര്ക്കുന്നു. അന്ന് നിങ്ങള് പറഞ്ഞു എം.എസ്. ധോണി ടെസ്റ്റ് ക്രിക്കറ്റിലെ ക്യാപ്റ്റന് സ്ഥാനത്ത് നിന്നും വിരമിക്കാന് തീരുമാനിച്ചതിന് പിന്നില് താങ്കളായിരുന്നുവെന്ന് (അന്നാണ് വിരാട് കോഹ്ലി ടെസ്റ്റ് ക്രിക്കറ്റ് ടീം ക്യാപ്റ്റനായത്). അന്നത്തെ ദിവസം പിന്നീട് ഞാനും താങ്കളും എംഎസ് ധോണിയും കൂടി വര്ത്തമാനം പറയുകയുണ്ടായി. അന്ന് ധോണി ഒരു തമാശ പറഞ്ഞു- നിങ്ങളുടെ താടിയും ഇനി അതിവേഗം നരയ്ക്കാന് തുടങ്ങുമെന്ന്….അത് കേട്ട് നമ്മള് എല്ലാവരും പൊട്ടിച്ചിരിച്ചു.’- അനുഷ്ക ഇന്സ്റ്റഗ്രാമില് പങ്കുവെച്ച കുറപ്പില് പറയുന്നു.
‘അതിന് ശേഷം ഞാന് കണ്ടു…താടിക്കപ്പുറം നിങ്ങള് നരയ്ക്കുന്നത് ഞാന് കണ്ടു…ഞാന് നിങ്ങളില് വളര്ച്ച കണ്ടു…അപാരമായ വളര്ച്ച…നിങ്ങള് ചുറ്റും മാത്രമല്ല, ഉള്ളിലും….ഇന്ത്യന് ദേശീയ ക്രിക്കറ്റ് ടീമില് ക്യാപ്റ്റന് എന്ന നിലയ്ക്കുള്ള നിങ്ങളുടെ വളര്ച്ചയില് ഞാന് അഭിമാനിക്കുന്നു…പക്ഷെ ഞാന് കൂടുതല് അഭിമാനിക്കുന്നത് നിങ്ങള് ഉള്ളില് കൈവരിച്ച വളര്ച്ചയിലാണ്. ‘- ഇന്സ്റ്റഗ്രാം കുറിപ്പ് തുടരുന്നു.
‘2014ല് നമ്മള് ചെറുപ്പക്കാരും നിഷ്കളങ്കരുമായിരുന്നു. താങ്കള് കളിക്കളത്തില് പല വെല്ലുവിളികളും നേരിട്ടു. പക്ഷെ ഇത് ജീവിതമല്ലേ? അത് പ്രതീക്ഷിക്കാത്തിടത്ത് നിങ്ങളെ പരീക്ഷിച്ചുകൊണ്ടിരുന്നു. എല്ലാറ്റിലും താങ്കളുടെ പരിശുദ്ധമായ, വെള്ളം ചേര്ക്കാത്ത നല്ല ഉദ്ദേശ്യങ്ങള് എപ്പോഴും ഉണ്ടായിരുന്നു. എന്നാല് കാഴ്ചക്കയുമപ്പുറമുള്ള കാര്യങ്ങള് അറിയാന് ശ്രമിക്കുന്നവരാണ് ശരിയ്ക്കും അനുഗൃഹീതര്…താങ്കള് നേരിട്ട് കാര്യം പറയുന്നയാളും നാട്യങ്ങളില്ലാത്തയാളും ആയിരുന്നു….താങ്കളും പരിപൂര്ണ്ണനല്ല…താങ്കളിലും ദൗര്ബല്യങ്ങള് ഉണ്ടായിരുന്നു….പക്ഷെ താങ്കള് എപ്പോള് മുതലാണ് അതിന് മറച്ചുപിടിക്കാന് നോക്കിയത്?…നിങ്ങള് ഒന്നിനേയും ആര്ത്തിയോടെ മുറുകെപ്പിടിച്ചില്ല. സ്ഥാനമാനങ്ങളെപ്പോലും. താങ്കള് പരിധിക്കപ്പുറമുള്ളയാളാണ്….ഈ ഏഴു വര്ഷങ്ങളില് തന്റെ അച്ഛനെന്ന നിലയിലുണ്ടായ വളര്ച്ച നമ്മുടെ മകള് കണ്ടിരിക്കും…..’
