കൊച്ചി: സിനിമ സംവിധായകന്‍ അലി അക്ബറും കുടുംബവും ഹിന്ദു ധര്‍മ്മം പാതയിലേക്ക്. ഇന്നു നടന്ന പ്രത്യേക ചടങ്ങിലാണ് അദേഹവും ഭാര്യയും ഇസ്ലാം മതം ഉപേക്ഷിച്ച് ഹൈന്ദവ ധര്‍മ്മം സ്വീകരിച്ചത്. പുതിയ പേര് രാമസിംഹന്‍ എന്നാണ്. കഴിഞ്ഞ മാസമാണ് താന്‍ ഇസ്ലാം മതം ഉപേക്ഷിക്കുന്നുവെന്ന് ആദേഹം വെളുപ്പെടുത്തിയത്.
സംയുക്ത സൈനിക മേധാവി ബിപിന്‍ റാവത്തിന്റെ മരണവാര്‍ത്തയ്‌ക്ക് ചിരി സ്‌മൈലികളുമായി എത്തിയ ഒരു വിഭാഗം മതക്കാര്‍ക്കെതിരെയുള്ള പ്രതിഷേധമായാണ് താന്‍ ഇസ്ലാം മതം ഉപേക്ഷിക്കുന്നതെന്ന് അലി അക്ബര്‍ ഫേസ്ബുക്ക് ലൈവില്‍ പറഞ്ഞു.
കേരളത്തെ വര്‍ഗീയവത്കരിക്കുന്നതില്‍ സര്‍ക്കാര്‍ ഒപ്പം നില്‍ക്കുന്നു. ഒരു പ്രത്യേക മത വിഭാഗത്തെ പ്രീണിപ്പിച്ച് ഭരണ പിടിക്കുകയാണ് ഇടത് സര്‍ക്കാര്‍ ചെയ്തത്. താനും കുടുംബവും ഒരു മതത്തിലും ഇല്ലെന്നും ഇനി മുതല്‍ സനാതന ധര്‍മ്മം പിന്തുടരുമെന്നും അലി അക്ബര്‍ വ്യക്തമാക്കി.
