കൊച്ചി : നടിയെ ആക്രമിച്ച കേസില് സാക്ഷികള് കൂറ് മാറുന്നതിന് പണം കൊടുത്ത് സ്വാധീനിക്കാന് ദിലീപ് ശ്രമിച്ചതിനെ തെളിവുണ്ടെന്ന് സംവിധായകന് ബാലചന്ദ്രകുമാര്. കേസില് ക്രൈംബ്രാഞ്ചിന് മൊഴി നല്കിയ ശേഷം മാധ്യമങ്ങളോട് സംസാരിക്കുകയായിരുന്നു അദ്ദേഹം. തന്റെ പക്കലുണ്ടായിരുന്ന എല്ലാ തെളിവുകളും അന്വേഷണ സംഘത്തിന് കൈമാറിയെന്നും ബാലചന്ദ്ര കുമാര് അറിയിച്ചു.
പോലീസ് ഉദ്യോഗസ്ഥരെ അപായപ്പെടുത്താന് നടത്തിയ ഗൂഢാലോചനയുടെ അടക്കം തെളിവുകള് നേരത്തെ കൊടുത്തിരുന്നു. അതിന്റെ സ്റ്റേറ്റ്മെന്റാണ് ഇപ്പോള് എടുത്തുകൊണ്ടിരിക്കുന്നത്. ഉദ്യോഗസ്ഥരെ അപായപ്പെടുത്തുമെന്ന് പലസ്ഥലങ്ങളില് വെച്ച് ദിലീപ് പല തവണ പറഞ്ഞിട്ടുണ്ട്. ദിലീപിന്റെ മാത്രമല്ല അദ്ദേഹത്തിന്റെ അളിയനും സഹോദരനും കാവ്യയുമൊക്കെ സംസാരിച്ചതിന്റെ ശബ്ദം കൈയിലുണ്ട്. ഈ കാര്യങ്ങളെല്ലാം വ്യാജമായി ആര്ക്കാണ് ചെയ്യാന് സാധിക്കുക. ഓഡിയോ ക്ലിപ്പിലെ ശബ്ദം ദീലീപിന്റെതാണെന്ന് തെളിയിക്കാന് സാധിക്കും.
ഇരുപതോളം ഓഡിയോ ക്ലിപ്പുകള് വേറെയുമുണ്ട്. സാക്ഷികളെ ദിലീപിന്റെ സഹോദരന് അനൂപും സഹോദരി ഭര്ത്താവ് സുരാജും സ്വാധീനിച്ചതിന് കൃത്യമായ തെളിവുണ്ട്. എങ്ങനെയാണ് ഡീല് നടത്തിയതെന്ന് വിശദമാക്കുന്നതിന്റെ തെളിവുണ്ട്. സാക്ഷിയായ സാഗര് കൂറുമാറിയതിന്റെ വിശദാംശങ്ങള് കയ്യിലുണ്ട്.
കേസില് താന് പറഞ്ഞ വിഐപി ദിലീപുമായി ഏറ്റവും അടുത്ത നില്ക്കുന്ന ആളാണ്. ഒരു മന്ത്രിയുടെ അടുത്ത സുഹൃത്താണ്. പള്സര് സുനി അടക്കമുള്ളവര് ജയിലില് നിന്നിറങ്ങിയാല് അപായപ്പെടുത്താന് അദ്ദേഹം പ്ലാന് ചെയ്യുന്നുണ്ട്. നടനെതിരെ ഇനിയും കൂടുതല് വെളിപ്പെടുത്തലുകള് പുറത്തുവരും. സിനിമാ മേഖലയിലുള്ള നിരവധി ആളുകള് അതിനായി മുന്നോട്ട് വരുമെന്നും സംവിധായകന് അറിയിച്ചു.
വധഭീഷണി, ഗൂഢാലോചന എന്നിവയുള്പ്പെടെ ഗുരുതരമായ അഞ്ച് വകുപ്പുകള് പ്രകാരമാണ് ക്രൈംബ്രാഞ്ച് ദിലീപിനെതിരെ കേസെടുത്തിരിക്കുന്നത്. സംവിധായകന് ബാലചന്ദ്ര കുമാറിന്റെ മൊഴിയുടെ അടിസ്ഥാനത്തിലാണ് ക്രൈംബ്രാഞ്ച് പുതിയ കേസെടുത്തിരിക്കുന്നത്. ദിലീപ്, സഹോദരന് അനൂപ്, ബന്ധു സുരാജ്, അപ്പു, ബൈജു ചെങ്ങമനാട് തുടങ്ങി ആറ് പേരാണ് പ്രതിപ്പട്ടികയിലുള്ളത്.
