തിരുവനന്തപുരം : സംസ്ഥാനത്ത് ഏത് പദ്ധതികൊണ്ടുവരുമ്പോഴും കമ്മീഷന് വാങ്ങുന്നത് കെപിസിസി പ്രസിഡന്റ് കെ. സുധാകരന് ഓര്മ്മ വരുന്നത് മുന്പരിചയം ഉള്ളത് കൊണ്ടാണെന്ന് രൂക്ഷ വിമര്ശനവുമായി മന്ത്രി വി. ശവന്കുട്ടി. ഈ നാടിന്റെ മുഴുവന് പിന്തുണയുള്ള നേതാവാണ് പിണറായി വിജയന്. ഓട് പൊളിച്ച് ഇറങ്ങിവന്നയാളല്ല അദ്ദേഹമെന്നും മന്ത്രി പറഞ്ഞു.
അഞ്ചുവര്ഷവും കമ്മീഷന് വാങ്ങിച്ച് നാട് കൊള്ളയടിച്ച ആളാണെന്ന ആരോപണം രണ്ടാം പിണറായി സര്ക്കാരിനെ തെരഞ്ഞെടുത്ത ജനങ്ങളുടെ മുഖത്തുള്ള കാര്ക്കിച്ചു തുപ്പുന്നതിന് തുല്യമാണ്. കെ. സുധാകരന് ഇക്കാര്യത്തില് മുന് പരിചയമുള്ളതിനാലാണ് ആരോപണങ്ങള് ഉന്നയിക്കുന്നത്.
എന്തിലും ഏതിലും അഴിമതി നടത്തുന്ന പാരമ്പര്യം കോണ്ഗ്രസിനാണ് ഉള്ളത്. രണ്ടാം യുപിഎ സര്ക്കാരിന്റെ കാലത്തെ ചെയ്തികള് മൂലമാണ് കോണ്ഗ്രസ് ദേശീയ തലത്തില് ഗതി പിടിക്കാത്തത്. പഞ്ചവടി പാലം പോലെ പാലാരിവട്ടം പാലം പണിതവര് എടപ്പാള് മേല്പ്പാലം പോയി കാണണം.
സ്വന്തം പാര്ട്ടിയില് എത്ര പേരുടെ പിന്തുണ കെ. സുധാകരന് ഉണ്ടെന്ന് കൂടി പറയണം. കെപിസിസി അധ്യക്ഷപദവി ആരുടെയും ഭൂതകാലം മറയ്ക്കാന് ഉള്ള ലൈസന്സ് അല്ല. പിണറായി വിജയന് ആരാണെന്നും കെ സുധാകരന് ആരാണെന്നും വ്യക്തമായി പൊതുജനങ്ങള്ക്ക് അറിയാമെന്നും മന്ത്രി കൂട്ടിച്ചേര്ത്തു.
