ജോഹന്നസ്ബര്ഗ്: ഇന്ത്യന് ക്യാപ്റ്റന് വിരാട് കോഹ്ലി ദക്ഷിണാഫ്രിക്കയ്ക്കെതിരായ മൂന്നാം ടെസ്റ്റില് തിരിച്ചുവരുമെന്ന് പരിശീലകന് രാഹുല് ദ്രാവിഡ്. ഈ മാസം പതിനൊന്നിന് കേപ്ടൗണിലാണ് മൂന്നാം ടെസ്റ്റ് ആരംഭിക്കുക.
വാണ്ടറേഴ്സിലെ രണ്ടാം ടെസ്റ്റില് കോഹ്ലി പുറം വേദനയെ തുടര്ന്ന് കളിച്ചില്ല. ടെസ്റ്റില് ഇന്ത്യ ഏഴു വിക്കറ്റിന് തോറ്റു. ഇതോടെ ദക്ഷിണാഫ്രിക്ക മൂന്ന് മത്സരങ്ങളുടെ പരമ്പരയില് ഇന്ത്യക്കൊപ്പം എത്തി (1-1) . ഒന്നാം ടെസ്റ്റില് ഇന്ത്യ വിജയം നേടിയിരുന്നു. നിര്ണായകമായ മൂന്നാം ടെസ്റ്റില് വിജയിക്കുന്നവര്ക്ക് പരമ്പര ലഭിക്കും.
കോഹ്ലിയുടെ ആരോഗ്യസ്ഥിതി മെച്ചപ്പെട്ടുവരികയാണ്. മൂന്നാം ടെസ്റ്റിന് മുമ്പ് കോഹ്ലി പൂര്ണ്ണ ആരോഗ്യം വീണ്ടെടുക്കുമെന്നാണ് പ്രതീക്ഷയെന്ന് രാഹുല് ദ്രാവിഡ് പറഞ്ഞു. കോഹ്ലിയുടെ അഭാവത്തില് കെ.എല്.രാഹുലാണ് രണ്ടാം ടെസ്റ്റില് ഇന്ത്യയെ നയിച്ചത്. കോഹ്ലിക്ക് പകരം ഹനുമാ വിഹാരി ടീമിലിടം നേടുകയും ചെയ്തു.
മൂന്നാം ടെസ്റ്റില് ഇന്ത്യ ബൗളിങ്ങില് മാറ്റം വരുത്തുമെന്നാണ് സൂചന. പേശിപിടുത്തം മൂലം പേസര് മുഹമ്മദ് സിറാജിന് രണ്ടാം ടെസ്റ്റില് തിളങ്ങാനായില്ല. ഈ സാഹചര്യത്തില് മൂന്നാം ടെസ്റ്റില് നിന്ന് സിറാജിനെ ഒഴിവാക്കിയേക്കും.
