ശ്രീനഗര്: ഇന്ത്യ-പാക് അതിര്ത്തിയില് നുഴഞ്ഞുകയറ്റശ്രമത്തിനിടെ വീണ്ടും പാക് ഭീകരനെ വധിച്ച് ബിഎസ്എഫ്. ഇന്നലെ അര്നിയ സെക്ടറില് നുഴഞ്ഞുകയറാന് ശ്രമിച്ച ഭീകരനെയാണ് സൈന്യം വധിച്ചത്. കൊല്ലപ്പെട്ട ഭീകരന്റെ കൂടുതല് വിവരങ്ങള് ലഭ്യമായിട്ടില്ലെന്ന് കശ്മീര് പോലീസ് അറിയിച്ചു.
നുഴഞ്ഞുകയറാന് ശ്രമിക്കുന്നതിനിടയില് ഭീകരന് തിരിച്ചുപോകാന് മുന്നറിയിപ്പ് നല്കിയെങ്കിലും ഇത് അവഗണിച്ച് ഇയാള് രാജ്യത്തേക്ക് പ്രവേശിക്കുകയായിരുന്നു. ഇതോടെയാണ് വെടിയുതിര്ത്തതെന്ന് ബിഎസ്എഫ് അറിയിച്ചു. കഴിഞ്ഞ ദിവസം കുപ്വാരയില് അതിര്ത്തിയില് നുഴഞ്ഞുകയറാന് ശ്രമിച്ച പാക് ഭീകരനെ സൈന്യം വധിച്ചിരുന്നു. കേരണ് സെക്ടറിലായിരുന്നു സംഭവം. മുഹമ്മദ് ഷബീര് മാലിക് എന്ന ഭീകരനാണ് കൊല്ലപ്പെട്ടത്.
