ന്യൂദല്‍ഹി: പെട്രോള്‍ കയറ്റുമതിയുടെ കാര്യത്തില്‍ മോദിയുടെ ഇന്ത്യ സൗദി അറേബ്യ, യുഎഇ തുടങ്ങിയ എണ്ണ ഉല്‍പാദിപ്പിക്കുന്ന രാജ്യങ്ങളെ പിന്നിലാക്കി. ആഫ്രിക്കന്‍ രാജ്യമായ കെനിയയിലേക്ക് പെട്രോളിയം ഉല്‍പ്പന്നങ്ങള്‍ കൂടുതല്‍ കയറ്റുമതി ചെയ്യുന്നത് ഇന്ത്യയില്‍ നിന്നാണ്. ജൂലായിലെ കണക്കനുസരിച്ച് ഇന്ത്യയില്‍ നിന്നുള്ള പെട്രോള്‍ കയറ്റുമതിയില്‍ വന്‍ കുതിപ്പാണ് ഉണ്ടായത്. മുന്‍വര്‍ഷത്തെ ജൂലായിനേക്കാള്‍ 66 ശതമാനം അധികം പെട്രോളാണ് ഈ ജൂലായില്‍ ഇന്ത്യ കെനിയയിലേക്ക് കയറ്റുമതി ചെയ്തത്.
.അമേരിക്കയും ഇറാനും തമ്മിലുള്ള യുദ്ധമാണ് സൗദി, യുഎഇ എന്നീ രാജ്യങ്ങള്‍ക്ക് പെട്രോള്‍ കയറ്റുമതിയില്‍ തിരിച്ചടി നല്‍കിയത്. അവസരം മുതലെടുത്ത് ഇന്ത്യ കുതിച്ചു.
ഇന്ത്യ പരിമിതമായി മാത്രം എണ്ണ കുഴിച്ചെടുക്കുന്ന രാജ്യമാണ്. പകരം ലോകത്തില്‍ വെച്ച് തന്നെ ഏറ്റവും കൂടുതല്‍ ക്രൂഡ് ഓയില്‍ ഇറക്കുമതി ചെയ്യുന്ന രാജ്യങ്ങളില്‍ ഒന്നാണ് ഇന്ത്യ. ഇവ സംസ്‌കരിച്ച്‌ പെട്രോളിയം ഉല്‍പ്പന്നങ്ങളാക്കി കയറ്റുമതി ചെയ്യുന്നതിലും ഇന്ത്യയാണ് മുന്നില്‍.
ക്രൂഡ് ഓയില്‍ സംസ്‌കരിക്കുമ്പോള്‍ ലഭിക്കുന്നതാണ് പെട്രോളും ഡീസലും. കെനിയ ഏറ്റവും കൂടുതല്‍ ഇറക്കുമതി ചെയ്യുന്നത് ഇന്ത്യയില്‍ നിന്നുള്ള പെട്രോളും ഡീസലുമാണ്.
കപ്പല്‍ ട്രാക്കിങ് കമ്പനിയായ കെപ്ലറിന്റെ ഡാറ്റ ഉദ്ധരിച്ചാണ് ഈ വിവരങ്ങള്‍ പുറത്തുവന്നിരിക്കുന്നത്. കെനിയ മാത്രമല്ല, മിക്ക ആഫ്രിക്കന്‍ രാജ്യങ്ങളും പെട്രോളിയം ഉല്‍പ്പന്നങ്ങള്‍ക്ക് വേണ്ടി ഇന്ത്യയെ ആശ്രയിക്കാന്‍ തുടങ്ങി.നേരത്തെ യൂറോപ്പിലേക്ക് കൂടുതല്‍ പെട്രോളിയം ഉല്‍പ്പന്നങ്ങള്‍ കയറ്റുമതി ചെയ്തിരുന്നത് ഇന്ത്യ ആയിരുന്നു. എന്നാല്‍ റഷ്യയില്‍ നിന്ന് ഇറക്കുന്ന ക്രൂഡ് സംസ്‌കരിച്ചാണ് ഇന്ത്യ പെട്രോളിയം കയറ്റുമതി ചെയ്യുന്നത് എന്ന് ചൂണ്ടിക്കാട്ടി ഇന്ത്യയില്‍ നിന്ന് ഇവ വാങ്ങുന്നത് യൂറോപ്പ് നിര്‍ത്തിവച്ചു. ഇതോടെയാണ് ഇന്ത്യന്‍ കമ്പനികള്‍ പുതിയ വിപണി തേടിയത് . അങ്ങിനെയാണ് ആഫ്രിക്കന്‍ര രാജ്യങ്ങള്‍ക്ക് നല്‍കിയത്.
