ശ്രീനഗര്: പാക് അധീന കശ്മീരില് നിന്നും രക്ഷപ്പെട്ട് ഇന്ത്യയിലേയ്ക്ക് പാലായനം ചെയ്ത് കൊല്ലപ്പെട്ട പാക് ഭീകരന്റെ ഭാര്യ. പാകിസ്ഥാന് കൈവശപ്പെടുത്തിയിട്ടുള്ള കശ്മീരിന്റെ ഭാഗങ്ങളില് ജനജീവിതം നരക തുല്ല്യമാണെന്ന് റസ്യാ ബീവി വെളിപ്പെടുത്തി. യുവാക്കളെ പാക് ഏജന്സികള് തെറ്റിദ്ധരിപ്പിച്ച് ആയുധമെടുപ്പിക്കുകയാണ്. അവരെ ഇന്ത്യയ്ക്കെതിരായി മുജാഹിദുകളാക്കി മാറ്റുകയാണെന്നും റസ്യാ പറഞ്ഞു.
പാകിസ്ഥാനിലെ ജീവിതം നരകതുല്ല്യമാണ് യഥാര്ത്ഥ സ്വര്ഗം ഇന്ത്യയിലാണെന്നും റസ്യ പറഞ്ഞു. പാകിസ്ഥാന് ഇന്ത്യയ്ക്കെതിരെ യുദ്ധത്തിനായി തീവ്രവാദ സംഘങ്ങളെ ഉപയോഗിക്കുന്നു. ഭീകരര് കൊല്ലപ്പെട്ടുകഴിഞ്ഞാല് കുടുംബത്തെ സംരക്ഷിക്കുകപോലും ചെയ്യുന്നില്ല. ഇസ്ലാമിന്റെ പേരില് ജനങ്ങളെ അവര് കബളിപ്പിക്കുന്നുവെന്നും പാകിസ്ഥാനെതിരെ റസ്യ പറഞ്ഞു.
ഇനി ആരും മുജാഹിദുകള് ആകരുത്. ആരും മതത്തിന്റെ പേരില് നടത്തുന്ന പ്രലോഭനങ്ങള്ക്ക് വഴങ്ങരുതെന്നും റസ്യ പറഞ്ഞു.
