ലഖ്‌നോ: ലവ് ജിഹാദിനെ അതിജീവിച്ച ഉത്തര്‍പ്രദേശിലെ 26 കാരിക്ക് പൊലീസ് കോണ്‍സ്റ്റബിളില്‍ നിന്നും ക്രൂരമായ ലൈംഗിക പീഡനം. പാരാമെഡിക്കല്‍ രംഗത്ത് ജോലി ചെയ്യുന്ന പെണ്‍കുട്ടി നല്‍കിയ പരാതിയെത്തുടര്‍ന്ന് പൊലീസ് കോണ്‍സ്റ്റബിളിനെതിരെ കേസെടുത്തു.
ലവ് ജിഹാദില്‍ കുടുക്കാന്‍ ശ്രമിച്ച, നിര്‍ബന്ധപൂര്‍വ്വം മതപരിവര്‍ത്തനം ചെയ്യാന്‍ ശ്രമിച്ച വ്യ്‌ക്തിക്കെതിരെയും കേസെടുത്തിട്ടുണ്ട്. യുവതി ആദ്യം ഒരു വ്യക്തിയമായി അടുപ്പത്തിലായി. ഇയാള്‍ കള്ളപ്പേരിലാണ് തന്നെ സ്വയം യുവതിയെ പരിചയപ്പെടുത്തിയത്. വിവാഹവാഗ്ദാനം നല്‍കി ലൈംഗികപീഢനത്തിനിരയാക്കി. പിന്നീട് ഇയാളുടെ യഥാര്‍ത്ഥ പേരറിഞ്ഞ പെണ്‍കുട്ടി പൊലീസില്‍ കേസ് ഫയല്‍ ചെയ്തു. ഇയാള്‍ പലകുറി പെണ്‍കുട്ടിയോട് മതം മാറാന്‍ നിര്‍ബന്ധിച്ചിരുന്നു.
കേസന്വേഷണത്തിന്റെ ഭാഗമായാണ് പൊലീസ് കോണ്‍സ്റ്റബിള്‍ യുവതിയുമായി അടുപ്പത്തിലായത്. പലപ്പോഴും പൊലീസിലെ ഉന്നതാധികാരികളെ കാണാന്‍ ശ്രമിച്ചപ്പോള്‍ പൊലീസ് കോണ്‍സ്റ്റബിള്‍ തടയുകയായിരുന്നുവെന്നും യുവതി പറയുന്നു. പിന്നീട് ഈ കോണ്‍സ്റ്റബിള്‍ വിവാഹവാഗ്ദാനം ചെയ്ത് യുവതിയെ വശീകരിക്കുകയായിരുന്നു. എന്നാല്‍ പിന്നീടാണ് ഈ കോണ്‍സ്റ്റബിള്‍ വിവാഹിതനാണെന്നും ഒരു കുട്ടിയുടെ അച്ഛനാണെന്നും അറിഞ്ഞത്. യുവതി ഇയാളെ എതിര്‍ത്തതോടെ ക്രൂരമായ പ്രത്യാഘാതമുണ്ടാകുമെന്ന് കോണ്‍സ്റ്റബിള്‍ ഭീഷണിപ്പെടുത്തുകയായിരുന്നു. പൊലീസിലെ ഉന്നതാധികാരിയെ കണ്ട് പരാതി സമര്‍പ്പിച്ചതിനെ തുടര്‍ന്ന് കോണ്‍സ്റ്റബിളിനെതിരെ കേസെടുത്തു.
ഇന്ത്യന്‍ ശിക്ഷാനിയമത്തിലെ 376 (ബലാത്സംഗം), 506 (ക്രിമിനല്‍ ഭീഷണി) 504 (ഉദ്ദേശ്യത്തോടെ അപമാനിക്കല്‍) എന്നീ വകുപ്പുകള്‍ പ്രകാരം കോണ്‍സ്റ്റബിളിനെതിരെ കേസ് രജിസ്റ്റര്‍ ചെയ്തു.
