കിഴക്കമ്പലം: കിറ്റക്‌സ് കമ്പനിയിലെ അന്തര്‍സംസ്ഥാന തൊഴിലാളികള്‍ നടത്തിയ അക്രമസംഭവങ്ങളില്‍ 10 പേരെക്കൂടി പ്രത്യേക അന്വേഷണസംഘം അറസ്റ്റ് ചെയ്തു. ജാര്‍ഖണ്ഡ്, നാഗാലാന്റ്,, അസം, ഉത്തര്‍പ്രദേശ് സംസ്ഥാനങ്ങളില്‍ നിന്നുള്ളവരെയാണ് പിടികൂടിയത്.
പൊതുമുതല്‍ നശിപ്പിച്ചു എന്ന കുറ്റം ചാര്‍ത്തിയാണ് കേസെടുത്തിരിക്കുന്നത്. ഇതോടെ ആകെ അറസ്റ്റ് ചെയ്തവരുടെ എണ്ണം 174 ആയി. നേരത്തെ 164 പേരെയാണ് അറസ്റ്റിലായിരുന്നത്.
പൊലീസുകാരെ വധിക്കാന്‍ ശ്രമിച്ചുവെന്ന കുറ്റമാണ് 51 പേര്‍ക്കെതിരെ ചാര്‍ത്തിയിരിക്കുന്നത്. ബാക്കി 113 പേര്‍ക്കെതിരെ പൊതുമുതല്‍ നശിപ്പിച്ചതിനാണ് കേസ്.
അറസ്റ്റ് ചെയ്തവര്‍ മൂവാറ്റുപുഴ, കാക്കനാട്, വിയ്യൂര്‍ സെന്‍ട്രല്‍ ജയിലുകളിലാണിപ്പോള്‍. 300 പേര്‍ക്കെതിരെ പൊലീസ് കേസെടുത്തിട്ടുണ്ട്.
