പാലക്കാട്: ആര്എസ്എസ് പ്രവര്ത്തകന് സഞ്ജിത്തിനെ എസ്ഡ്പിഐ ക്രിമിനല് സംഘം നടുറോഡില് വെട്ടിക്കൊന്നത് കണ്ട മധ്യവയസ്കന് കുഴഞ്ഞു വീണു മരിച്ചു. മരുതറോഡ് സ്വദേശി രാമുവാണ് മരിച്ചത്. സഞ്ജിത്തിനെ വെട്ടിക്കൊന്ന സ്ഥലത്ത് രക്തം തളംകെട്ടി കിടക്കുകയായിരുന്നു. ധാരാളം ആള്ക്കാര് കൊലപാതകം നടന്നപ്പോള് ഈ സ്ഥലത്തുണ്ടായിരുന്നു. ക്രൂരമായ കൊലപാതകം കണ്ട രാമു കുഴഞ്ഞു വീഴുകയായിരുന്നു. കൊലപാതകം രാമു നേരിട്ട് കണ്ടിരുന്നെന്ന് മറ്റു ദൃക്സാക്ഷികള് പറഞ്ഞു. കുഴഞ്ഞുവീണ ഉടനെ ആശുപത്രിയില് എത്തിച്ചെങ്കിലും ജീവന് രക്ഷിക്കാനായില്ല. ഭാര്യയുടെ മുന്നിലിട്ട് രാവിലെ ഒമ്പതോടെയായിരുന്നു എസ്ഡിപിഐ തീവ്രവാദി സംഘം സഞ്ജിത്തിനെ ബൈക്ക് തടഞ്ഞ് വെട്ടിക്കൊന്നത്.
അതേസമയം, കൊലപാകത്തില് പ്രതിഷേധിച്ച് മലമ്പുഴ മണ്ഡലത്തില് ബിജെപി ഹര്ത്താലിന് ആഹ്വാനം ചെയ്തിട്ടുണ്ട്. തിങ്കളാഴ്ച ഉച്ചയ്ക്ക് രണ്ടു മുതല് വൈകിട്ട് ആറു വരെയാണ് ഹര്ത്താല്. എസ്ഡിപിഐ തീവ്രവാദികളാണ് കൊലപാതകത്തിന് പിന്നിലെന്ന് ബിജെപി ജില്ലാ നേതൃത്വം ആരോപിച്ചു. നിക്ഷപക്ഷമായ അന്വേഷണം നടത്തി പ്രതികളെ ഉടന് പിടികൂടണമെന്നും ബിജെപി ആവശ്യപ്പെട്ടു. ഇല്ലെങ്കില് അതേ നാണയത്തില് മറുപടി നല്കുമെന്നും ബിജെപി മുന്നറിയിപ്പ് നല്കി.
