കോട്ടയം: എംജി സര്വകലാശാല നവംബര് എട്ടിന് നടത്താനിരുന്ന ചില പരീക്ഷകള് മാറ്റിയതായി സമൂഹ മാധ്യമങ്ങളില് വാര്ത്ത പ്രചരിച്ചിരുന്നു. എന്നാല് ഇത് വ്യാജമാണെന്നും, പരീക്ഷകള് മാറ്റിയിട്ടില്ലെന്നും സര്വകലാശാല അറിയിച്ചു.
ഇഎ 1/2/101 സിബിസിഎസ് എന്ന നമ്പറിലുള്ള വിജ്ഞാപനമാണ് സമൂഹ മാധ്യമങ്ങളില് പ്രചരിക്കുന്നത്. സര്വകലാശാല ഇത്തരമൊരു വിജ്ഞാപനം ഇറക്കിയിട്ടില്ല. ഇത് വ്യാജമാണെന്ന് സര്വകലാശാല അറിയിച്ചു.
നാലാം സെമസ്റ്റര് സിബിസിഎസ് (2019 അഡ്മിഷന്–റെഗുലര്), നാലാം സെമസ്റ്റര് സിബിസിഎസ് സൈബര് ഫൊറന്സിക് (2019 അഡ്മിഷന്–റെഗുലര്), നാലാം സെമസ്റ്റര് ബിഎ, ബികോം (പ്രൈവറ്റ് റജിസ്ട്രേഷന് സിബിസിഎസ് 2021 അഡ്മിഷന്–റെഗുലര് 2017, 2018 അഡ്മിഷന് റീ അപ്പിയറന്സ്) എന്നീ ബാച്ചുകളുടെ പരീക്ഷകള് മാറ്റിയെന്ന തരത്തിലാണ് സമൂഹ മാധ്യമങ്ങളില് വ്യാജ പ്രചരണം നടക്കുന്നത്.
പരീക്ഷകളില് യാതൊരു വിധ മാറ്റങ്ങളുമില്ലെന്നും. മുന് നിശ്ചയിച്ച പ്രകാരം തന്നെ പരീക്ഷകള് നടക്കുമെന്നും സര്വകലാശാല അറിയിച്ചു. സമൂഹ മാധ്യമങ്ങളില് പ്രത്യക്ഷപ്പെടുന്ന ഇത്തരം വാര്ത്തകളുടെ നിജസ്ഥിതി സര്വകലാശാലയുടെ ഔദ്യോഗിക വെബ്സൈറ്റില് പരിശോധിച്ച് ഉറപ്പുവരത്തേണ്ടതാണ്.
