തിരുവനന്തപുരം: ചൊവ്വാഴ്ച മുതല് സംസ്ഥാനത്തെ സ്വകാര്യ ബസ്സുകള് അനിശ്ചിതകാല സമരത്തിലേക്ക്. വിദ്യാര്ത്ഥികള് ഉള്പ്പെടെയുള്ളവരുടെ ടിക്കറ്റ് നിരക്ക് വര്ധിപ്പിക്കണം. ബസ്സുകള്ക്ക് ഡീസലിന് സബ്സിഡി നല്കണമെന്നുമുള്ള ആവശ്യങ്ങളുന്നയിച്ചാണ് പണിമുടക്ക്. കോവിഡ് കാലത്തെ സ്റ്റേജ് ക്യാരേജ് ബസ്സുകളുടെ റോഡ് ടാക്സ് പൂര്ണ്ണമായും ഒഴിവാക്കണമെന്നും ബസ്സുടമകള് ആവശ്യപ്പെടുന്നു.
ബസ് വ്യവസായം പ്രതിസന്ധിയിലാണെന്നും ഉടമകള് ആത്മഹത്യയുടെ വക്കിലാണെന്നും ബസ് ഓപ്പറേറ്റേഴ്സ് അസ്സോസിയേഷന് കോര്ഡിനേഷന് കമ്മിറ്റി ഭാരവാഹികള് പറഞ്ഞു. ഇതു കൂടാതെ ജസ്റ്റിസ് രാമചന്ദ്രന് കമ്മീഷന് തയ്യാറാകുന്നില്ലെന്ന് ഉടമകള് ആരോപിക്കുന്നു. സാമ്പത്തിക നഷ്ടം സഹിക്കാന് കഴിയാത്ത സാഹചര്യത്തിലാണ് സമരവുമായി രംഗത്തെത്തുന്നതെന്നും ഭാരവാഹികള് പറഞ്ഞു.
