കാബുള് : കഴിഞ്ഞ ദിവസം കാബൂളിലെ ആശുപത്രിയിലുണ്ടായ ആക്രമണത്തിന്റെ ഉത്തരവാദിത്തം ഇസ്ലാമിക് സ്റ്റേറ്റ് ഏറ്റെടുത്തു. സര്ദാര് മുഹമ്മദ് ദാവൂദ് ഖാന് സൈനിക ആശുപത്രിയില് ചൊവ്വാഴ്ചയുണ്ടായ ആക്രമണത്തില് 19 പേരാണ് കൊല്ലപ്പെട്ടത്. 50ഓളം പേര്ക്ക് പരിക്കേറ്റ് ഗുരുതരാവസ്ഥയിലാണ്.
ആശുപത്രിക്കുള്ളില് ഒരു ഭീകരന് തോക്ക് ഉപയോഗിച്ച് വെടിവയ്പ്പ് നടത്തുകയായിരുന്നു. ഇതിന് പിന്നാലെ ആശുപത്രി ഗേറ്റിന് സമീപത്തായി സ്ഫോടക വസ്തുക്കള് നിറച്ച കാര് പൊട്ടിത്തെറിക്കുകയും ചെയ്തു. ഇസ്ലാമിക് സ്റ്റേറ്റിന്റെ നിരവധി അംഗങ്ങള് ആക്രമണത്തില് പങ്കാളികളായതായി താലിബാന് വക്താവ് സബിഹുള്ള മുജാഹിദ് ആരോപിച്ചു. സ്ഫോടനത്തില് മൗലവി ഹംദുള്ള റഹ്മനിയും ആക്രമണത്തില് കൊല്ലപ്പെട്ടതായി താലിബാന് സ്ഥിരീകരിച്ചിട്ടുണ്ട്.
