കൊച്ചി: മിസ് കേരള 2019 അന്സി കബീര്, മിസ് കേരള 2019 റണ്ണറപ്പ് അഞ്ജന ഷാജന് എന്നിവര്ക്ക് കാറപകടത്തില് ദാരുണാന്ത്യം . ഇന്നലെ അര്ധരാത്രി ഒരുമണിയോടെ ഇവര് സഞ്ചരിച്ചിരുന്ന കാര് എറണാകുളം ബൈപ്പാസ് റോഡില് ഹോളിഡേ ഇന്ഹോട്ടലിനു മുന്നില് വച്ച് അപകടത്തില്പ്പെടുകയായിരുന്നു.
ബൈക്കുമായി കൂട്ടിയിക്കാതിരിക്കാന് പെട്ടെന്നു വെട്ടിച്ചതാണ് അപകടമുണ്ടാക്കിയത് എന്നാണ് പൊലീസ് നല്കുന്ന വിവരം. സംഭവ സ്ഥലത്തുവച്ചു തന്നെ ഇരുവരും മരിച്ചു. നാലുപേരാണ് വാഹനത്തിലുണ്ടായിരുന്നത്. ഒപ്പമുണ്ടായിരുന്ന രണ്ടുപേരില് ഒരാളുടെ അവസ്ഥ ഗുരുതരമാണ്. ഇരുവരും എറണാകുളം മെഡിക്കല് സെന്ററില് ചികിത്സയിലുണ്ട്. മരിച്ച രണ്ടുപേരുടെയും മൃതദേഹങ്ങളും ഇവിടെ സൂക്ഷിച്ചിട്ടുണ്ട്. തിരുവനന്തപുരം ആറ്റിങ്ങല് ആലങ്കോട് സ്വദേശിനിയാണ് അന്സി കബീര്. തൃശൂര് സ്വദേശിനിയാണ് അഞ്ജന ഷാജന്.
