മണ്ട്രോത്തുരുത്ത്: ചിറ്റുമല-മണ്ട്രോത്തുരുത്ത് റോഡിന്റെ ശോചനീയാവസ്ഥക്കെതിരെ പഞ്ചായത്ത് അംഗങ്ങളായ ബി. സുരേഷ് ആറ്റുപുറത്ത്, പ്രസന്നകുമാരി, സൂരജ് സുവര്ണ്ണന് എന്നിവരുടെ നേതൃത്വത്തില് ഉപവാസസമരം നടന്നു. മണ്ട്രോത്തുരുത്ത് ഗ്രാമപഞ്ചായത്ത് പടിക്കല് ആരംഭിച്ച ഉപവാസം ബിജെപി ജില്ലാ പ്രസിഡന്റ് ബി.ബി. ഗോപകുമാര് ഉദ്ഘാടനം ചെയ്തു.
ബിജെപി മണ്ട്രോത്തുരുത്ത് പഞ്ചായത്ത് സമിതി പ്രസിഡന്റ് റിട്ട. ക്യാപ്റ്റന് സുദര്ശനന്. പി. അധ്യക്ഷത വഹിച്ചു. കുന്നത്തൂര് നിയോജകമണ്ഡലം പ്രസിഡന്റ് ബൈജു ചെറുപൊയ്ക, ജനറല് സെക്രട്ടറിയും മണ്ട്രോത്തുരുത്ത് ഗ്രാമപഞ്ചായത്ത് അംഗവുമായ ഡി. സുരേഷ് ആറ്റുപുറത്ത് തുടങ്ങിയവര് സംസാരിച്ചു.
വൈകിട്ട് സമാപന സമ്മേളനത്തില് ബിജെപി ജില്ലാ ജനറല് സെക്രട്ടറി വെള്ളിമണ് ദിലീപ് ഉപവാസം നടത്തിയ പഞ്ചായത്തംഗങ്ങള്ക്ക് നാരങ്ങാനീര് നല്കി സമരം അവസാനിപ്പിച്ചു. സമരത്തില് മണ്ഡലം വൈസ് പ്രസിഡന്റ് സുഷമ, പഞ്ചായത്ത് സമിതി ജനറല് സെക്രട്ടറി മോഹന്, സെക്രട്ടറി സുനില് കല്ലുവിള, ആര്എസ്എസ് കുന്നത്തൂര് താലൂക്ക് സഹകാര്യവാഹ് ബിജു പെരിങ്ങാലം, പഞ്ചായത്ത് സമിതി വൈസ് പ്രസിഡന്റ് ജയന്തി എന്നിവര് സംസാരിച്ചു.
