തിരുവനന്തപുരം: സ്വതന്ത്ര സോഫ്റ്റ്വെയര്-ഹാര്ഡ്വെയര് മേഖലയെ പ്രോല്സാഹിപ്പിക്കുന്ന അന്താരാഷ്ട്ര സ്വതന്ത്ര സോഫ്റ്റ്വെയര് കേന്ദ്രം (ഐസിഫോസ്) വിവിധ സ്വതന്ത്ര സോഫ്റ്റ്വെയറുകളില് സ്ത്രീകള്ക്ക് തീവ്രപരിശീലനം നല്കുന്നു. വനിതാ പ്രൊഫഷണലുകള്ക്ക് നഷ്ടപ്പെട്ട തൊഴില്ജീവിതം വീണ്ടെടുക്കുകയാണ് ഈ പരിപാടിയുടെ ലക്ഷ്യം. ‘സോഫ്റ്റ്വെയര് ടെസ്റ്റിങ്’ ആണ് ഈ വര്ഷത്തെ ‘ബാക്ക്-ടു-വര്ക്ക് റെസിഡന്ഷ്യല് പ്രോഗ്രാമിന്റെ ആദ്യബാച്ചില് പരിശീലനം നടത്തുന്നത്. കാര്യവട്ടത്തെ സ്പോര്ട്സ്ഹബ്, ഗ്രീന്ഫീല്ഡ് സ്റ്റേഡിയത്തിലെ ഐസിഫോസ് പരിശീലനകേന്ദ്രത്തില് നവംബര് 17 ന് പരിപാടി നടക്കും.
ആദ്യം വരുന്നവരെ ആദ്യം പരിഗണിക്കുന്ന രീതിയില് 25 പേര്ക്കാണ് പങ്കെടുക്കാന് അവസരമുണ്ടായിരിക്കുക. ഒരാളില് നിന്ന് ഈടാക്കുന്ന രജിസ്ട്രേഷന് ഫീസ് 1000 രൂപയാണ്. രജിസ്റ്റര് ചെയ്യാന് https://applications.icfoss.org/training_icfoss_reg/allred?id=41 എന്ന വെബ്സൈറ്റ് സന്ദര്ശിക്കുക.
അപേക്ഷിക്കേണ്ട അവസാന തീയതി: നവംബര് 10. വിശദവിവരങ്ങള്ക്കായി https://icfoss.in എന്ന വെബ്സൈറ്റ് സന്ദര്ശിക്കുക . 7356610110, +91 471 2700012/13, +91 9400225962 എന്നീ നമ്പറുകളില് രാവിലെ 10 മുതല് വൈകിട്ട് അഞ്ച് വരെ വിളിക്കാം
