തിരുവനന്തപുരം: മഴപ്പേടിയില്‍ നിന്നും അടുത്ത രണ്ട് ദിവസം കേരളത്തിന് ആശ്വസിക്കാമെങ്കിലും ബുധനാഴ്ച മുതല്‍ മഴ വീണ്ടും ശക്തമാകുമെന്ന് കാലാവസ്ഥാ മുന്നറിയിപ്പ്.
അടുത്ത ഞായറാഴ്ച വരെ മഴ തുടരുമെന്നും കാലാവസ്ഥാ മുന്നറിയിപ്പില്‍ പറയുന്നു. അതേ സമയം ഒക്ടോബര്‍ 18 തിങ്കളാഴ്ചയും ഒക്ടോബര്‍ 19 ചൊവ്വാഴ്ചയും ന്യൂനമര്‍ദ്ദം ദുര്‍ബലമാകുന്നതിനെ തുടര്‍ന്നാണ് മഴയ്‌ക്ക് ശമനമുണ്ടാകും.
അതേ സമയം കിഴക്കന്‍ കാറ്റിന്റെ സ്വാധീനം കൂടുതലാണ്. അതിനാല്‍ കേരളമുള്‍പ്പെടെയുള്ള ഇന്ത്യയുടെ തെക്കന്‍ സംസ്ഥാനങ്ങളില്‍ ബുധനാഴ്ച മുതല്‍ ഞായറാഴ്ച വരെ മഴയ്‌ക്ക് സാധ്യതയുണ്ട്. തിങ്കള്‍, ചൊവ്വ, ബുധന്‍, വ്യാഴം എന്നീ ദിവസങ്ങളില്‍ കേരളത്തില്‍ ശക്തമായ കാറ്റിന് സാധ്യതയുണ്ടെന്നും കേന്ദ്ര കാലാവസ്ഥാ വകുപ്പ് അറിയിച്ചു.
