ടാറ്റയുടെ വൈദ്യുത വാഹന(ഇവി) നിര്മ്മാണത്തില് 7,500 കോടിയുടെ മൂലധന നിക്ഷേപത്തിന് ടി പി ജി റൈസ് ക്ലൈമറ്റും സഹ നിക്ഷേപകരായ എ ഡിക്യുവും തയ്യാറെടുക്കുന്നു. കംപല്സറി കണ്വെര്ട്ടിബിള് ഇന്സ്ട്രമെന്റ് മാര്ഗ്ഗത്തിലാണ് ഇരു കമ്പനികളും ടാറ്റ മോട്ടോഴ്സിന്റെ വൈദ്യുത വാഹന നിര്മ്മാണ വിഭാഗത്തില് നിക്ഷേപം നടത്തുക. ഇതുവഴി 11 മുതല് 15 ശതമാനം വരെയുള്ള കമ്പനിയുടെ ഓഹരി നിക്ഷേപകര്ക്ക് ലഭിക്കും.
2022 അവസാനത്തോടെ നിക്ഷേപം പൂര്ണ്ണമായും കൈമാറും. ഈ നിക്ഷേപത്തോടെ ടാറ്റ മോട്ടോഴ്സിന്റെ വൈദ്യുത വാഹന വിഭാഗത്തിന്റെ ഓഹരി മൂല്യം 910 കോടി ഡോളര് (ഏകദേശം 68,282 കോടി രൂപ) വരുമെന്നാണ് കണക്ക്. അടുത്ത അഞ്ച് വര്ഷത്തിനകം പത്തു പുതിയ ഇവി മോഡലുകള് പുറത്തിറക്കാനും ഇവി ചാര്ജിങ് മേഘലയില് വന് മാറ്റം കൈവരിക്കാനും കമ്പനി ലക്ഷ്യമിടുന്നുണ്ട്.
ടാറ്റ മോട്ടോഴ്സിന്റെ നിക്ഷേപകങ്ങളും ക്ഷമതയും പൂര്ണ്ണതോതില് ഉപയോഗപ്പെടുത്തിയാവും ഇവി നിര്മ്മാണത്തിന്റ പ്രവര്ത്തനം. ഇതിനോടൊപ്പം തന്നെ ബാറ്ററിയില് ഓടുന്ന വാഹനങ്ങള് (ബി ഇ വി) ക്കും ബി ഇ വി പ്ലാറ്റ്ഫോമുകള്ക്കും ബാറ്ററി ചാര്ജ്ജിങ് രംഗത്തെ അടിസ്ഥാന സൗകര്യ വികസനത്തിനുമെല്ലാം ഈ നിക്ഷേപം ഉപയോഗപ്പെടത്തും.
വിപണിയെ തന്നെ മാറ്റിമറിക്കുന്ന തരത്തിലുള്ള വൈദ്യുത വാഹന വ്യവസായം സാധ്യമാക്കാനുള്ള ഉദ്യമത്തില് ടി പി ജി റൈസ് ക്ലൈമറ്റ് പങ്കാളിയാവുന്നതില് സന്തോഷമുണ്ടെന്ന് ടാറ്റ മോട്ടോഴ്സ് ലിമിറ്റഡ് ചെയര്മ്മാന് എന് ചന്ദ്രശേഖരന് പറഞ്ഞു. ഉപയോക്താക്കളെ ആകര്ഷിക്കാന് തക്ക ഉല്പന്നങ്ങളില് കമ്പനി തുടര്ന്നും നിക്ഷേപം നടത്തുമെന്നും അദേഹം വെളിപ്പെടുത്ത്ി. 2030നകം രാജ്യത്തെ വൈദ്യുത വാഹന വ്യാപനം മുപ്പത് ശതമാനത്തിലെത്തിക്കുകയെന്ന കേന്ദ്ര സര്ക്കാരിന്റെ ലക്ഷ്യം സാധ്യമാക്കുന്നതില് കമ്പനി മികച്ച പിന്തുണ നല്കുമെന്നും അദേഹം അറിയിച്ചു.
