നമ്മുടെ ദൈനംദിന ജീവിതത്തില് കുടുംബ ബന്ധങ്ങളില് ഒരുപാട് പ്രശ്നങ്ങളുണ്ടാകാറുണ്ട്. നാം അറിഞ്ഞും അറിയാതെയും ചെയ്യുന്ന ചില കാര്യങ്ങള് നമ്മെ പല പ്രശ്നങ്ങളിലും എത്തിക്കാറുണ്ട്. ഒരു വീട്ടമ്മയും അവരുടെ രണ്ടു കുട്ടികളുമായി വളരെ തിരക്കേറിയ ജീവിതത്തിലൂടെ കടന്നുപോകുമ്പോള് അശ്രദ്ധകൊണ്ട് ഉണ്ടാകുന്ന ഒരു സംഭവമാണ് ഈ ചിത്രത്തിലൂടെ പറയുന്നത്. ചലച്ചിത്ര താരങ്ങളായ റിയാസ് എം.റ്റിയും പെക്സന് ആംബ്രോസും ആദ്യമായി സംവിധാനം ചെയ്യുന്ന ചിത്രത്തിന്റെ നിര്മാണം തിയേറ്റര് പ്ലേ ഒടിടി ആണ് നിര്വഹിക്കുന്നത്.
ചിത്രത്തിന്റെ കഥ-തിരക്കഥ ഒരുക്കുന്നത് സംവിധായകന് കൂടിയായ റിയാസ് എം.റ്റി ആണ്. ഡി.ഒ.പി-ടോണി ജോര്ജ്ജ്, എഡിറ്റിങ്-അഖില് എലിയാസ്, പ്രോജക്ട് ഡിസൈനേഴ്സ്-സായ് വെങ്കിടേഷ്, സുധീര് ഇബ്രാഹിം, പ്രൊഡക്ഷന് കണ്ട്രോളര്- വിനോദ് പറവൂര്, ചീഫ് അസോസിയേറ്റ് ഡയറക്ടര്- സുക്രിദ്, ഡിസൈന്-ഷമീര് സൈന്മാര്ട്ട് എന്നിവരാണ് മറ്റ് അണിയറ പ്രവര്ത്തകര്. താരനിര്ണ്ണയം പൂര്ത്തിയാവുന്ന ചിത്രത്തിന്റെ കൂടുതല് വിവരങ്ങള് ഉടന് പുറത്തുവിടുമെന്ന് നിര്മാതാക്കള് അറിയിച്ചു.
