കോഴിക്കോട് : നിപ ബാധിച്ച് മരിച്ച കുട്ടിയുമായി അടുത്ത സമ്പര്ക്കം പുലര്ത്തിയ രണ്ട് പേര്ക്ക് കൂടി ഫലം കൂടി നെഗറ്റീവായെന്ന് ആരോഗ്യമന്ത്രി വീണാ ജോര്ജ്. ഇതോടെ സമ്പര്ക്ക പട്ടികയിലുള്ള 10 പേരുടെ പരിശോധന ഫലം നെഗറ്റീവായി. എന്നാല് ജാഗ്രതിയില് തെല്ലും വിട്ടുവീഴ്ചയില്ലെന്നും ആരോഗ്യ മന്ത്രി വീണ ജോര്ജ്ജ് അറിയിച്ചു.
പ്രതിരോധത്തിന്റെ ഭാഗമായി ചാത്തമംഗലം പഞ്ചായത്ത് പൂര്ണ്ണമായി അടച്ചിടുമെന്ന് പഞ്ചായത്ത് പ്രസിഡന്റ് അറിയിച്ചു. അവശ്യ സേവനങ്ങള്ക്ക് മാത്രമായിരിക്കും അനുമതി. 12കാരനുമായി അടുത്ത ബന്ധം പുലര്ത്തിയ പലര്ക്കും രോഗലക്ഷണങ്ങള് കണ്ടതോടെ സംസ്ഥാനം കൂടുതല് ആശങ്കയിലായിരുന്നു. തുടര്ന്ന് പുനെ വൈറോളജി ഇന്സ്റ്റിറ്റ്യൂട്ടില് പരിശോധിച്ച എട്ട് സാംപിളുകളിലും കോഴിക്കോട് മെഡിക്കല് കോളജില് തിങ്കളാഴ്ച പ്രവര്ത്തനം തുടങ്ങിയ ലാബില് പരിശോധിച്ച രണ്ട് സാംപിളുകളിലും നിപ വൈറസ് സാന്നിധ്യമില്ലെന്ന റിപ്പോര്ട്ട് പുലര്ച്ചെ എത്തി.
11 പേരുടെ പരിശോധന ഫലങ്ങള് കൂടി ഇനി വരാനുണ്ട്. മെഡിക്കല് കോളേജില് നിലവില് 48 പേരാണ് നിരീക്ഷണത്തിലുള്ളത്. ഇവരുടെ സ്രവ സാംപിളുകള് ഇന്ന് മെഡിക്കല് കോളജിലെ ലാബില് പരിശോധിക്കും. ഫലം പോസിറ്റീവാണെങ്കില് പൂണെ ലാബില് വീണ്ടും പരിശോധന നടത്തിയ ശേഷമാകും സ്ഥിരീകരണം.
അതേസമയം പ്രാഥമിക സമ്പര്ക്ക പട്ടികയിലെ ആദ്യ ഫലങ്ങള് നെഗറ്റീവ് ആയെങ്കിലും അതീവ ജാഗ്രതയിലാണ് ചാത്തമംഗലം പഞ്ചായത്ത്. കോഴിക്കോട് നിപ്പാ റിപ്പോര്ട്ട് ചെയ്ത ചാത്തമംഗലം പഞ്ചായത്തില് ആരോഗ്യപ്രവര്ത്തകര് ഓരോ വീടും കയറിയിറങ്ങിയാണ് വിവരശേഖരണം നടത്തുകയാണ്. പ്രതിരോധ നടപടികളുടെ ഭാഗമായി പഞ്ചായത്ത് പൂര്ണമായി അടച്ചു. കണ്ണൂര് റീജ്യണല് ലാബില് നിന്നുളള സംഘം ചാത്തമംഗലത്തെത്തിയിട്ടുണ്ട്. ചാത്തമംഗംലം പഞ്ചായത്തിലേക്കുള്ള എല്ലാ ഇട റോഡുകളും അടച്ചു. അവശ്യ സര്വീസ്, മുന്കൂട്ടി നിശ്ചയിച്ച പരീക്ഷകള് എന്നിവക്ക് മാത്രം ഇളവ്. കൂടുതല് പോലീസിനെയും വുന്യസിച്ചിട്ടുണ്ട്. പനിയോ മറ്റു ലക്ഷണങ്ങളോ ഉള്ളവര് ഉണ്ടെങ്കില് കണ്ടെത്താനുള്ള നടപടികള് തുടങ്ങി.
