കൊല്ലം : ഉത്ര കൊലക്കേസില് കുറ്റം തെളിയിക്കുന്നതിനായി ഡമ്മി പരീക്ഷണവും നടത്തി പ്രത്യേക അന്വേഷണ സംഘം. പാമ്പ് ഒരാളെ സ്വയം കടിക്കുമ്പോള് ഉണ്ടാകുന്ന മുറിവും പ്രകോപിപ്പിച്ച് കടിപ്പിക്കുമ്പോള് ഉണ്ടാകുന്ന മുറിവും വ്യത്യസ്തമായിരിക്കും. ഇത് തെളിയിക്കാനാണ് ഡമ്മി പരീക്ഷണം നടത്തിയത്.
കേരളത്തിന്റെ കുറ്റാന്വേഷണ ചരിത്രത്തില് തന്ന അത്യപൂര്വ്വമാണ് ഇത്. കൊല്ലത്തെ അരിപ്പ വനംവകുപ്പ് ഇന്സ്റ്റിറ്റ്യൂട്ടിലാണ് പരീക്ഷണം നടത്തിയത്. കൊല്ലം മുന് റൂറല് എസ്പി ഹരിശങ്കറിന്റെ നേതൃത്വത്തില് മൂന്ന് പാമ്പുകളെ ഉപയോഗിച്ചാണ് പരീക്ഷണം നടത്തിയത്.
150 സെ.മീ. നീളമുള്ള മൂര്ഖന് പാമ്പാണ് ഉത്രയെ കടിച്ചത്. ഈ നീളത്തിലുള്ള ഒരു പാമ്പ് കടിച്ചാല് 1.7 സെ.മീ. നീളമുള്ള മുറിവാണ് ശരീരത്തില് സാധാരണ ഉണ്ടാവുക. എന്നാല് ഉത്രയുടെ ശരീരത്തില് 2.5 ഉം 2.8 ഉം നീളമുള്ള രണ്ട് മുറിവുകളാണ് ഉണ്ടായിരുന്നത്. പാമ്പിനെ പ്രകോപിപ്പിച്ച് കടിപ്പിച്ചാല് മാത്രമേ ഇത്രയും വലിയ പാടുകള് വരികയുള്ളൂ. എന്ന ശാസ്ത്രീയ നിഗമനത്തിലാണ് മൂന്ന് പാമ്പുകളെ ഉപയോഗിച്ച് പരീക്ഷണം നടത്തിയത്.
ഉത്രയുടെ ഭര്ത്താവും പ്രതിയുമായ സൂരജ് പാമ്പിനെ പ്രകോപ്പിച്ച് കടിപ്പിച്ചതാണെന്ന് അന്വേഷണ സംഘം കണ്ടെത്തിയിരുന്നു. ഇതിന്റെ തെളിവ് ശേഖരണാര്ത്ഥമാണ് പുതിയ പരീക്ഷണം. അതിനുശേഷം മുറിവുകളിലെ വ്യത്യാസം രേഖപ്പെടുത്തി. അന്വേഷണത്തിന്റെ ഭാഗമായുള്ള പ്രോസിക്യൂഷന് തെളിവുകളുടെ കൂട്ടത്തില് ഈ ദൃശ്യങ്ങളും സമര്പ്പിച്ചിട്ടുണ്ട്.
