ന്യൂദല്ഹി: മുന് പ്രധാനമന്ത്രി അടല്ബിഹാരി വാജ്പേയുടെ ഓര്മദിനത്തില് അദേഹത്തിന് ആദരഞ്ജലികള് അര്പ്പിച്ച് പ്രധാനമന്ത്രി നരേന്ദ്രമോദി. സ്മൃതി മണ്ഡപമായ സദൈവ് അടലില് എത്തി പ്രധാനമന്ത്രി പുഷ്പാര്ച്ചന നടത്തി. രാഷ്ട്രപതി രാംനാഥ് കോവിന്ദ്, ഉപരാഷ്ടരപതി വെങ്കയ്യ നായിഡു, ലോക് സഭാ സ്പീക്കര് ഓം ബിര്ല, ബിജെപി അധ്യക്ഷന് ജെപി നദ്ദ എന്നിവരും സദൈവ് അടലില് എത്തി ശ്രദ്ധാഞ്ജലി അര്പ്പിച്ചു.
അടല്ജി ഭാരതീയരുടെ ഹൃദയത്തിലും മനസ്സിലും ജീവിക്കുന്നതായി പ്രധാനമന്ത്രി ട്വിറ്ററില് കുറിച്ചു. ‘അദേഹത്തിന്റെ ഊഷ്മളമായ വ്യക്തിത്വം ഞങ്ങള് ഓര്ക്കുന്നു, അദ്ദേഹത്തിന്റെ പ്രിയപ്പെട്ട സ്വഭാവം ഞങ്ങള് ഓര്ക്കുന്നു, അദ്ദേഹത്തിന്റെ ബുദ്ധിയും നര്മ്മവും ഞങ്ങള് ഓര്ക്കുന്നു, ദേശീയ പുരോഗതിക്കുള്ള അദ്ദേഹത്തിന്റെ സംഭാവന ഞങ്ങള് ഓര്ക്കുന്നു. അടല് ജി നമ്മുടെ പൗരന്മാരുടെ ഹൃദയത്തിലും മനസ്സിലും ജീവിക്കുന്നു. ഇന്ന്, അദ്ദേഹത്തിന്റെ പുണ്യ തിഥിയില് സദൈവ അടലിലേക്ക് പോയി അദ്ദേഹത്തിന് ആദരാഞ്ജലികള് അര്പ്പിച്ചു’. പ്രധാനമന്ത്രി ട്വീറ്റ് ചെയ്തു.
കേന്ദ്ര ആഭ്യന്തര മന്ത്രി അമിത്ഷാ, പ്രതിരോധ മന്ത്രി രാജ്നാഥ് സിംങ്, നിര്മ്മലാ സീതാരാമന്, ജ്യോതിരാധിത്യ സിന്ധ്യ, തുടങ്ങി മന്ത്രിമാരും നേതാക്കളും സദൈവ് അടലില് എത്തി മുന് പ്രധാനമന്ത്രിയ്ക്ക് ആദരാഞ്ജലി അര്പ്പിച്ചു.
