കോട്ടയം: മധ്യതിരുവിതാംകൂറിലെ ഉത്സവ ആഘോഷങ്ങള്ക്ക് തുടക്കം കുറിച്ച് അയ്മനം നരസിംഹസ്വാമി ക്ഷേത്രത്തില് ഉത്സവത്തിന് ഇന്നു കൊടിയേറും. വൈകിട്ട് ആറിന് തന്ത്രി കടിയക്കോല് കൃഷ്ണന് നമ്പൂതിരിയുടെ മുഖ്യകാര്മ്മികത്വത്തിലാണ് കൊടിയേറ്റു ചടങ്ങുകള്.
കൊവിഡ് മാനദണ്ഡങ്ങള് കര്ശനമായി പാലിച്ചാണ് ക്ഷേത്രചടങ്ങുകള്. കലാപരിപാടികള് പൂര്ണ്ണമായും ഒഴിവാക്കിയിട്ടുണ്ട്. 20ന് പള്ളിവേട്ടയും 21 ന് ആറാട്ടും നടക്കും. ഈ ചടങ്ങുകളും ക്ഷേത്രമതില്കെട്ടിനുള്ളിലാണ് നടക്കുക.
തിരുവോണം തൊഴീല് 21ന് രാവിലെ നിയന്ത്രണങ്ങള്ക്കു വിധേയമായി ഭക്തജനങ്ങള്ക്ക് ക്ഷേത്രത്തില് പ്രവേശിക്കാമെന്ന് ദേവസ്വം അസിസ്റ്റന്റ് കമ്മീഷണര് മുരാരി ബാബു, സബ് ഗ്രൂപ്പ് ഓഫീസര് കെ. സന്തോഷ് കുമാര് എന്നിവര് അറിയിച്ചു.
അയ്മനത്ത് എടുപ്പ് പരിപ്പില് വെപ്പ് എന്ന് ചൊല്ലുണ്ട്. അയ്മനം നരസിംഹസ്വാമി ക്ഷേത്ര ഉത്സവത്തോടെ ആരം ഭിക്കുന്ന ഒരു വര്ഷം നീളുന്ന ഉത്സവകാലം പരിപ്പ് മഹാ ദേവക്ഷേത്ര ഉത്സവത്തോടെയാണ് സമാപിക്കുന്നത്.
