ന്യൂദല്‍ഹി: രാജ്യത്ത് ഇതുവരെ നല്‍ക്കിയത് 49.53 കോടി ഡോസ് വാക്‌സിന്‍. രാജ്യത്താകമാനം ഇതുവരെ രോഗമുക്തരായത് 3,10,15,844 പേര്‍. നിലവില്‍ ഭാരതത്തിലെ രോഗമുക്തി നിരക്ക് 97.36% ആയി ഉയര്‍ന്നു. കഴിഞ്ഞ 24 മണിക്കൂറിനിടെ 41,096 പേര്‍ക്കാണ് രോഗമുക്തരായത്.
രാജ്യത്താകെ 44,643 പേര്‍ക്കാണ് കഴിഞ്ഞ 24 മണിക്കൂറിനിടെ രോഗം സ്ഥിതികരിച്ചത്. നിലവില്‍ 4,14,159 പേരാണ് ചികിത്സയിലുള്ളത്. ഇത് ആകെ രോഗബാധിതരുടെ 1.30 ശതമാനമാണ്. പ്രതിവാര രോഗസ്ഥിരീകരണ നിരക്ക് 5 ശതമാനത്തില്‍ താഴെയായി തുടരുന്നു. നിലവില്‍ ഇത് 2.41 ശതമാനമാണ്.
പ്രതിദിന രോഗസ്ഥിരീകരണ നിരക്ക് 2.72%; കഴിഞ്ഞ 11 ദിവസങ്ങളായി മൂന്ന് ശതമാനത്തില്‍ താഴെയാണ്. പരിശോധനാശേഷി ഗണ്യമായി വര്‍ധിപ്പിച്ചത്തിന്റെ ഭാഗമായി ആകെ നടത്തിയത് 47.65 കോടി പരിശോധനകളാണ്.
