കൊല്ലം: അഞ്ചാലുംമൂട്ടില് വീട്ടിനുള്ളിലെ അലമാരയില് അവശനിലയില് കണ്ട വീട്ടമ്മ മരിച്ച സംഭവത്തില് പോലീസ് ബന്ധുക്കളുടെ മൊഴിയെടുത്തു. നീരാവില് ലിയോണ് അഞ്ചെലിന ഡെയിലില് ബിയാട്രീസ് ഡോളി(58) ആണ് മരിച്ചത്. തിരുവനന്തപുരം മെഡിക്കല് കോളേജ് ആശുപത്രിയില് തീവ്രപരിചരണ വിഭാഗത്തില് ചികിത്സയിലായിരുന്നു ഇവര്.
ചൊവ്വാഴ്ചയാണ് നീരാവില് ജങ്ഷനു സമീപമുള്ള വീട്ടില് ഇവര് അവശനിലയില് കഴിയുന്നവിവരം പാലിയേറ്റീവ് നഴ്സ് അഞ്ചാലുംമൂട് ജനമൈത്രി പോലീസില് അറിയിച്ചത്. പോലീസ് വീട്ടിലെത്തിയപ്പോള് അടപ്പില്ലാത്ത അലമാരയുടെ തട്ടില് അവശനിലയില് വീട്ടമ്മയെ കണ്ടെത്തി. കണ്ണ് പഴുത്ത് പുറത്തേക്കു തള്ളിയ നിലയിലായിരുന്നു. തിരുവനന്തപുരം മെഡിക്കല് കോളേജ് ആശുപത്രിയില് പ്രവേശിപ്പിച്ച വീട്ടമ്മയ്ക്ക് കൊവിഡ് സ്ഥിരീകരിച്ചിരുന്നു.
ഇവരുടെ ഭര്ത്താവ് മണിലാല് ജോസ് മറ്റൊരുവീട്ടിലാണ് താമസം. രണ്ട് പെണ്മക്കള് കൂടെയുണ്ടെങ്കിലും പരിചരണം നല്കാന് കഴിയാത്ത നിലയിലായിരുന്നു അവര്. ഭര്ത്താവുള്പ്പെടുള്ളവരുടെ മൊഴിയാണ് പോലീസ് രേഖപ്പെടുത്തിയത്. ഭര്ത്താവിനെതിരെ കേസെടുക്കമെന്ന ആവശ്യം ഉയര്ന്നിട്ടുണ്ട്. സംഭവത്തില് സാമൂഹ്യ പ്രവര്ത്തകര് പ്രതിഷേധം രേഖപ്പെടുത്തി.
