കൊച്ചി: ബാലഗോകുലം സംസ്ഥാന വ്യാപകമായി സംഘടിപ്പിച്ച ഗുരുപൂജ ചടങ്ങിന്റെ ഭാഗമായി കൊച്ചി മഹാനഗരത്തിലെ വിവിധ ഗോകുലങ്ങളുടെ ആഭിമുഖ്യത്തില് ഗുരുശ്രേഷ്ഠന്മാരെ ആദരിച്ചു. ബാലഗോകുലം എറണാകുളം താലൂക്ക് സംഘടിപ്പിച്ച ചടങ്ങിന്റെ ഭാഗമായി പ്രൊഫ. എം. കെ. സാനുമാഷിനെ ആദരിച്ചു. പ്രശസ്ത സാഹിത്യകാരിയും ബാലഗോകുലം ജില്ല രക്ഷാധികാരിയുമായ ശ്രീകുമാരി ടീച്ചര് ഗുരുപൂജ സന്ദേശം നല്കി.
തൃപ്പൂണിത്തുറ നഗരത്തില് എരൂര്, തൃപ്പൂണിത്തുറ, ഇരുമ്പനം മണ്ഡലങ്ങളില് നടന്ന ചടങ്ങില് ഭാഗവതാചാര്യനും പ്രഭാഷകനുമായ ആലപ്പാട്ട് രാമചന്ദ്രന്, ചിന്മയ വിദ്യാലയം മുന് പ്രിന്സിപ്പാളും തൃപ്പൂണിത്തുറ നഗരസഭ കൗണ്സിലറുമായ രാധിക വര്മ്മ, ഇന്ദിര ടീച്ചര് എന്നിവരെ ഗോകുലാംഗങ്ങള് ഗുരുപൂജ ചടങ്ങിന്റെ ഭാഗമായി ആദരിച്ചു.
മരട്, പള്ളുരുത്തി, കൊച്ചി, വൈപ്പിന്, ഇടപ്പള്ളി, തൃക്കാക്കര, ചോറ്റാനിക്കര നഗരങ്ങളിലും വിവിധ ഗോകുലങ്ങളുടെ ആഭിമുഖ്യത്തില് നടന്ന ഗുരുപൂജ ചടങ്ങിന്റെ ഭാഗമായി 27 ഗുരുക്കന്മാരെ ആദരിച്ചു. ചടങ്ങില് ബാലഗോകുലം ജില്ല കാര്യദര്ശി എം. വിപിന്, സഹകാര്യദര്ശി എം. വി. ഗോപകുമാര്, എറണാകുളം മേഖല അധ്യക്ഷന് ജി. സതീഷ് കുമാര്, മേലേത്ത് രാധാകൃഷ്ണന് അമൃതഭാരതീവിദ്യാപീഠം പൊതു കാര്യദര്ശി കെ. ജി. ശ്രീകുമാര്, ജി. ആര്. പ്രത്യാശ് എന്നിവര് പ്രസംഗിച്ചു.
