ന്യൂദല്ഹി: കുണ്ടറ സ്ത്രീപീഡനക്കേസില് എകെ ശശീന്ദ്രന്റെ ഇടപെടലിനെതിരെ യുവമോര്ച്ച. പീഡിപ്പിക്കപ്പെട്ടു എന്ന് പരാതി നല്കിയ പെണ്കുട്ടിയോടും അവരുടെ പിതാവിനോടും പരാതി പിന്വലിയ്ക്കണമെന്ന് ആവശ്യപ്പെട്ട ശശീന്ദ്രന് ‘മനുഷ്യന്’ എന്ന പരാമര്ശത്തിനു പോലും അര്ഹനല്ലെന്ന് യുവമോര്ച്ച ദേശീയ സെക്രട്ടറി ശ്യാംരാജ് വിമര്ശിച്ചു. കുട്ടിയ്ക്കും കുടുംബത്തിനും പൂര്ണമായ പിന്തുണ നല്കും. കുട്ടിയ്ക്ക് നീതി ലഭിയ്ക്കുന്നതിന് വേണ്ടി, കുറ്റക്കാര് ശിക്ഷിക്കപ്പെടുന്നതിനു വേണ്ടി ഏതറ്റം വരേയും പോകുമെന്നും അദേഹം പ്രതികരിച്ചു.
മന്ത്രി ശശീന്ദ്രന്റെ രാജിയില് കുറഞ്ഞ് മറ്റൊന്നും പ്രതീക്ഷിയ്ക്കുന്നില്ല. താന് പീഢിപ്പിയ്ക്കപ്പെട്ടുവെന്ന് പരാതി നല്കിയ പെണ്കുട്ടിയുടെ പിതാവിനോട് തന്നെ,പരാതി പിന്വലിയ്ക്കണമെന്ന് ആവശ്യപ്പെട്ട ശശീന്ദ്രന് മനുഷ്യന് എന്ന പരാമര്ശത്തിനു പോലും അര്ഹനല്ല. പരാതി നല്കി ഇത്ര നാള് ആയിട്ടും മൊഴി പോലും രേഖപ്പെടുത്താത്ത പോലീസ് ഉദ്യോഗസ്ഥര്ക്കെതിരെയും നടപടി വേണമെന്നും ശ്യംരാജ് ആവശ്യപ്പെട്ടു.
പിങ്ക് പോലീസ്, ചുവപ്പ് പോലീസ് എന്നൊക്കെപ്പറഞ്ഞ് പിആര്വര്ക്ക് ചെയ്യാനല്ലാതെ സ്വന്തം പണിചെയ്യാന് പോലീസ് എന്നാണ് പഠിക്കുകയെന്നും ശ്യാംരാജ് വിമര്ശിച്ചു. യുവമോര്ച്ച സമരങ്ങളുമായി മുന്നോട്ട് പോവുക തന്നെ ചെയ്യുമെന്നും ശ്യാം രാജ് പറഞ്ഞു.
