കളമശേരി: വാളാഞ്ചേരിയിൽ നിന്ന്ഫിയറ്റ് പുന്തോ കാറിൽ വില്പനക്കു കൊണ്ടുവന്ന 30 കിലോ കഞ്ചാവ് പിടികൂടി. കളമശേരി ഡെക്കാത്തലന് മുൻവശമുള്ള റോഡിൽ വച്ച് തൃശൂർ പുതുക്കാട്, ചെങ്ങല്ലൂർ തച്ചംകുളം അഭിലാഷ് (29), തൃശൂർ മരോട്ടിച്ചാൽ മാന്നാ മംഗലം തെക്കേതിൽ ഷിജോ (26) , പാലക്കാട് ആലത്തൂർ മുല്ലശ്ശേരി ഷിജു (43) , എന്നിവരെയാണ് അറസ്റ്റു ചെയ്തത്.
രണ്ട് കിലോ വീതം 15 പൊതികൾ കവറിലാക്കിയ നിലയിൽ കാറിന്റെ ഡിക്കിയിൽ വച്ച് വിൽപ്പനയ്ക്കായി കൊണ്ടുവന്നതാണ് പോലീസ് പിടികൂടിയത് പോലീസും നാർകോട്ടിക് സെല്ലും , ഷാഡോ പൊലീസും സംയുക്തമായ് നടത്തിയ ഓപ്പറേഷനിലാണ് പ്രതികൾ കുടുങ്ങിയത്.
നാർകോട്ടിക് സെൽ എ. സി.പി.അബ്ദുൾ സലാം ,തൃക്കാക്കര എ .സി .പി. ബേബി, കളമശേരി പൊലീസ് ഇൻസ്പെക്ടർ സന്തോഷ് എന്നിവരുടെ നേതൃത്വത്തിലാണ് പ്രതികളെ ഇന്നലെ വൈകീട്ട് ആറരയോടെ പിടികൂടിയത്. മെഡിക്കൽ പരിശോധനക്കു ശേഷം കോടതിയിൽ ഹാജരാക്കുമെന്ന് ഉദ്യോഗസ്ഥർ പറഞ്ഞു.
