ചെട്ടികുളങ്ങര: ബിജെപി പഞ്ചായത്ത് മെമ്പര്ക്കും കുടുംബത്തിനും നേരെ വധഭീഷണി. ചെട്ടികുളങ്ങര 17-ാം വാര്ഡ് മെമ്പര് അരുണ് കുമാറിനും കുടുംബത്തിനുമെതിരെയാണ് ഭീഷണി. കഴിഞ്ഞ ദിവസം സന്ധ്യക്ക് അരുണ്കുമാര് വീട്ടിലില്ലാതിരുന്ന സമയം അഞ്ചുപേരടങ്ങുന്ന സംഘം വീട്ടിലെത്തി സ്ത്രീകളെയും കുട്ടികളെയും ഭീഷണിപ്പെടുത്തുകയായിരുന്നു.
വിവരമറിഞ്ഞ് മാവേലിക്കര പോലീസ് സ്ഥലത്തെത്തിയപ്പോഴേക്കും ഗുണ്ടാസംഘം കടന്നുകളഞ്ഞു. സംഭവത്തെ തുടര്ന്ന് വീടിന് പോലീസ് കാവല് ഏര്പ്പെടുത്തി. പോലീസ് കുടുംബാംഗങ്ങളുടെ മൊഴി രേഖപ്പെടുത്തിയിട്ടുണ്ടെങ്കിലും ആരേയും പിടികൂടിയിട്ടില്ല.
ചെട്ടികുളങ്ങര പഞ്ചായത്ത് ഭരണത്തിലെ അഴിമതിക്കെതിരെ അരുണ്കുമാര് ഉള്പ്പടെയുള്ള ബിജെപി അംഗങ്ങള് കഴിഞ്ഞ മൂന്നു ദിവസമായി ശക്തമായ സമരത്തിലാണ്. ഇതിന്റെ പ്രതികാരമെന്ന നിലയില് സിപിഎം ഗുണ്ടകളാണ് ഭീഷണിക്ക് പിന്നിലെന്നാണ് വ്യക്തമാകുന്നത്.
