പാരീസ്: ടോപ്പ് സീഡ് ആഷ്ലി ബാര്ട്ടി, അമേരിക്കയുടെ മുന് ലോക ഒന്നാം നമ്പര് സെറീന വില്യംസ് അഞ്ചാം സീഡ് എലിന സ്വിറ്റോലിന എന്നിവര് ഫ്രഞ്ച് ഓപ്പണിന്റെ രണ്ടാം റൗണ്ടില് കടന്നു.
ഓസ്ട്രേലിയന് താരമായ ബാര്ട്ടി അമേരിക്കയുടെ ബെര്നാര്ഡ പെറയുടെ ശക്തമായ വെല്ലുവിളി അതിജീവിച്ചാണ് രണ്ടാം റൗണ്ടിലെത്തിയത്. കടുത്ത പോരാട്ടം അരങ്ങേറിയ മത്സരത്തില് ബാര്ട്ടി ഒന്നിനെതിരെ രണ്ട് സെ്റ്റുകള്ക്ക് ജയിച്ചുകയറി. സ്കോര്: 6-4,3-6, 6-2. ഏഴാം സീഡായ സെറീന വില്യംസ് ആദ്യ റൗണ്ടില് റുമാനിയയുടെ ഇറിന കമീലിയ ബെഗുവിനെ നേരിട്ടുള്ള സെറ്റുകള്ക്ക് തോല്പ്പിച്ചു. സ്കോര്: 7-6, 6-2.
ഫ്രഞ്ച് ഓപ്പണില് നേരത്തെ മൂന്ന് തവണ ക്വാര്ട്ടറിലെത്തിയ സ്വിറ്റോലിന ആദ്യ റൗണ്ടില് ഫ്രാന്സിന്റെ കൗമാരതാരം ഓഷ്യാന ബാബേലിനെ അനായാസം തോല്പ്പിച്ചു. സ്കോര്: 6-2, 7-5. പുരുഷന്മാരുടെ എട്ടാം സീഡായ റോജര് ഫെഡറര് രണ്ടാം റൗണ്ടില് പ്രവേശിച്ചു. ആദ്യ മത്സരത്തില് ഉസ്ബക്കിന്റെ ഡെനിസ് ഇസ്റ്റോമിനെ നേരിട്ടുള്ള സെറ്റുകള്ക്ക് കീഴടക്കി. സ്കോര്: 6-2, 6-4, 6-3.
ജന്മഭൂമി ഓണ്ലൈന്