വയനാട് : ലക്ഷദ്വീപ് ജനതയ്ക്ക് ഐക്യദാര്ഢ്യം പ്രഖ്യാപിച്ച് എസ്എഫ്ഐ നടത്തിയ ഓണ്ലൈന് കലോത്സവത്തിനിടെ അശ്ലീല വിഡിയോ പ്രദര്ശിപ്പിച്ചു. വയനാട് ഗവ. എന്ജിനീയറിങ് കോളജിലെ എസ്.എഫ്.ഐ യൂണിറ്റ് കമ്മിറ്റി സംഘടിപ്പിച്ച ഓണ്ലൈന് കലോത്സവത്തിലാണ് സംഭവം. ശനിയാഴ്ച രാത്രി ഏഴിന് ഗൂഗിള് മീറ്റ് വഴി ഓണ്ലൈന് കലോത്സവത്തിന്റെ ഉദ്ഘാടനം നടക്കുന്നതിനിടെയാണു സംഭവം. ലക്ഷദ്വീപ് സ്വദേശിയും സംവിധായികയുമായ ഐഷ സുല്ത്താന ഓണ് സ്റ്റേജ് മത്സരങ്ങള് ഉദ്ഘാടനം ചെയ്ത ശേഷമാണ് സംഭവം .മീറ്റില് കുട്ടികളും മാതാപിതാക്കളുമായി ധാരാളം പ്രേക്ഷകരുണ്ടായിരുന്നു.
ഓണ്ലൈന് കലോത്സവം അലങ്കോലപ്പെടുത്താനായി ചിലര് ബോധപൂര്വം അശ്ലീല വിഡിയോകള് പ്രദര്ശിപ്പിച്ചെന്നാണു സംഘാടകര് പറയുന്നത്. സംഭവത്തില് എസ്എഫ്ഐ ജില്ലാ കമ്മിറ്റി തലപ്പുഴ പൊലീസ് സ്റ്റേഷനിലും ജില്ലാ പൊലീസ് മേധാവിക്കും ആഭ്യന്തരവകുപ്പിനും പരാതി നല്കി. കവി മുരുകന് കാട്ടാക്കടയാണ് ഓഫ് സ്റ്റേജ് മത്സരങ്ങള് ഉദ്ഘാടനം ചെയ്തത്.
