പാലക്കാട്: കോണ്‍ഗ്രസിന്റെ ശക്തി കേന്ദ്രങ്ങളില്‍ മുന്നേറി ബിജെപി സ്ഥാനാര്‍ത്ഥി മെട്രോമാന്‍ ഇ. ശ്രീധരന്‍. വോട്ടെണ്ണല്‍ തുടങ്ങി ആദ്യ മണിക്കൂറിലെ ഫലസൂചനകള്‍ വരുമ്പോള്‍ തന്നെ വ്യക്തമായ ലീഡ് ഉയര്‍ത്തിയാണ് ശ്രീധരന്‍ മുന്നേറുന്നത്. കോണ്‍ഗ്രസ് കൗണ്‍സിലര്‍മാറുള്ള ബൂത്തുകളിലാണ് ശ്രീധരന്റെ മുന്നേറ്റം. . മൂന്നാം ബൂത്ത് എണ്ണിത്തുടങ്ങിയപ്പോള്‍ മുതലാണ് ശ്രീധരന്‍ വ്യക്തമായ മുന്നേറ്റത്തോടെ കുതിപ്പ് തുടങ്ങിയത്. ആദ്യ റൗണ്ട് പൂര്‍ത്തിയായപ്പോള്‍ 2459 വോട്ടിന്റെ ഭൂരിപക്ഷത്തിലാണ് ശ്രീധരന്‍ മുന്നിട്ട് നില്‍ക്കുന്നത്.
വിവിധ ജില്ലകളിലായി 633 ഹാളുകളില്‍ രാവിലെ എട്ടിനാണ് വോട്ടെണ്ണല്‍ ആരംഭിച്ചത്. പതിവിനു വിരുദ്ധമായി വോട്ടെണ്ണല്‍ കേന്ദ്രങ്ങള്‍ക്ക് സമീപം ആരവമോ ആള്‍ക്കൂട്ടമോ ഇല്ല.. കൊവിഡ് മാനദണ്ഡങ്ങള്‍ പാലിച്ചാണ് വോട്ടെണ്ണല്‍. തപാല്‍ വോട്ടുകളുടെ എണ്ണം മുന്‍ വര്‍ഷങ്ങളേക്കാള്‍ കൂടുതലായതിനാല്‍ ഫല പ്രഖ്യാപനം വൈകും. മുന്‍ വര്‍ഷങ്ങളില്‍ ഉച്ചയ്‌ക്കു മുന്‍പ് ഫലം പ്രഖ്യാപിച്ചിരുന്നു.
പ്രതികരിക്കാൻ ഇവിടെ എഴുതുക: