കണ്ണൂര്: ബോംബ് നിര്മ്മാണത്തിനെടെയുണ്ടായ സ്ഫോടനത്തില് സിപിഎം പ്രവര്ത്തകന്റെ രണ്ടു കൈപ്പത്തികളും അറ്റു. കണ്ണൂര് കതിരൂര് നാലാം മൈല് സ്വദേശി നിജേഷിനാണ് അപകടം സംഭവിച്ചത്. പരിക്ക് ഗുരുതരമായതിനാല് നിജേഷിനെ മംഗലാപുരത്തെ ആശുപത്രിയിലേയ്ക്ക് മാറ്റി.
കതിരൂര് നാലാം മൈല് വീടിന് പുറകിലിരുന്നു ബോംബ് നിര്മ്മിക്കവെയാണ് അപകടം സംഭവിച്ചിരിക്കുന്നത്. സ്ഫോടന കാരണം എന്താണെന്ന് വ്യക്തമല്ല. സംഭവത്തില് മറ്റൊരു സിപിഎം പ്രവര്ത്തകനെ പോലീസ് കസ്റ്റഡിയില് എടുത്തിട്ടുണ്ട്.
പരിക്കേറ്റ നിജേഷിനെ തശ്ശേരി സഹകരണ ആശുപത്രിയിലെത്തിച്ചെങ്കിലും പരിക്ക് ഗുരുതരമായതിനാല് മംഗലാപുരത്തെ ആശുപത്രിയില് എത്തിക്കുകയായിരുന്നു.
തെരഞ്ഞെടുപ്പുമായി ബന്ധപ്പെട്ട് കണ്ണൂരില് പരക്കെ അക്രമ സംഭവങ്ങള് അരങ്ങേറുന്നതിനിടെയാണ് ബോംബ് നിര്മ്മാണത്തിനിടെ സിപിഎം പ്രവര്ത്തകന് അപകടം സംഭവിച്ചിരിക്കുന്നത്. ജില്ലയിലാകെ അക്രമത്തിന് സിപിഎം കോപ്പുകൂട്ടുന്നു എന്ന പ്രതിപക്ഷ പാര്ട്ടികളുടെ ആരോപണത്തിന് ശക്തി നല്കുന്നതാണ് ഈ സംഭവം.
