അബാം മൂവിസിന്റെ ബാനറില് അബ്രഹാം മാത്യു നിര്മിച്ച് ജോജു ജോര്ജ്, പൃഥ്വിരാജ് സുകുമാരന് എന്നിവര്ക്കൊപ്പം ഷീലു എബ്രഹാം മുഖ്യ വേഷത്തില് എത്തുന്ന ‘സ്റ്റാര്’ന്റെ ട്രെയിലര് പുറത്തിറങ്ങി. മലയാളത്തിന്റെ പ്രിയ താരങ്ങളായ മമ്മൂട്ടി, ദിലീപ്, ജയറാം എന്നിവര് ചേര്ന്ന് താരങ്ങളുടെ ഒഫീഷ്യല് ഫേസ്ബുക്ക് പേജിലൂടെയാണ് ട്രെയിലര് പുറത്തിറക്കിയത്. പൈപ്പിന് ചുവട്ടിലെ പ്രണയം എന്ന ചിത്രത്തിനു ശേഷം ഡോമിന് ഡിസില്വ സംവിധാനം ചെയ്യുന്ന പുതിയ ചിത്രമാണ് സ്റ്റാര്.
മിസ്റ്ററി ത്രില്ലര് വിഭാഗത്തില്പ്പെടുന്ന ചിത്രത്തിന്റെ രചന നവാഗതനായ സുവിന് എസ്. സോമശേഖരന്റേതാണ്. സാനിയ ബാബു, ബേബി ശ്രീലക്ഷ്മി, ഗായത്രി അശോക്, തന്മയ് മിഥുന്, ജാഫര് ഇടുക്കി, സബിത, ഷൈനി സാറ, രാജേഷ്ജി, സുബലക്ഷ്മി അമ്മ, സരസ ബാലുശ്ശേരി തുടങ്ങിയവരാണ് മറ്റ് അഭിനേതാക്കള്.
തരുണ് ഭാസ്കരനാണ് ഛായാഗ്രാഹകന്. ലാല് കൃഷ്ണനാണ് ചിത്രസംയോജനം നിര്വ്വഹിക്കുന്നത്. എം ജയചന്ദ്രനും രഞ്ജിന് രാജും ചേര്ന്നാണ് ചിത്രത്തിലെ ഗാനങ്ങള്ക്ക് ഈണം പകരുന്നത്. ഹരിനാരായണന്റേതാണ് വരികള്. ബാദുഷ പ്രൊജക്ട് ഡിസൈനറായ ചിത്രത്തില് റിച്ചാര്ഡാണ് പ്രൊഡക്ഷന് കണ്ട്രോളര്. വില്യം ഫ്രാന്സിസാണ് പശ്ചാത്തല സംഗീതം ഒരുക്കുന്നത്. കമര് എടക്കര കലാസംവിധാനവും അരുണ് മനോഹര് വസ്ത്രാലങ്കാരവും നിര്വ്വഹിക്കുന്നു. റോഷന് എന്.ജി മേക്കപ്പും അജിത്ത് എം. ജോര്ജ്ജ് സൗണ്ട് ഡിസൈനും. അമീര് കൊച്ചിന് ഫിനാന്സ് കണ്ട്രോളറും സുഹൈല് എം. വിനയന് ചീഫ് അസോസിയേറ്റ്സുമാണ്. സ്റ്റില്സ്- അനീഷ് അര്ജ്ജുന്, ഡിസൈന്സ്- 7കോം എന്നിവരാണ് മറ്റ് അണിയറ പ്രവര്ത്തകര്.
