ഏറ്റുമാനൂര്: മഹാദേവ ക്ഷേത്രത്തിലെ ദോഷപരിഹാര ക്രിയകള്ക്ക് തുടക്കമായി. 9ന് സമാപിക്കും. തന്ത്രി കണ്ഠര് രാജീവരുടെ മുഖ്യകാര്മ്മികത്വത്തിലാണ് ക്രിയകള് നടക്കുന്നത്. 2002നു ശേഷം ആദ്യമായാണ് ക്ഷേത്രത്തില് ദോഷപരിഹാര ക്രിയകള് നടക്കുന്നത്.
ദൈവജ്ഞനായ കല്ലേറ്റിന്കര പത്മനാഭ ശര്മ്മയുടെ (ഇരിങ്ങാലക്കുട) നിര്ദേശ പ്രകാരമാണ് ദോഷപരിഹാര ക്രിയകള്. ഗണപതി ഹോമം , മഹാ മൃത്യഞ്ജയ ഹോമം, സുദര്ശന ഹോമം, അഘോര ഹോമം, സുകൃതഹോമം, ഭഗവതി സേവ, ഉദയാസ്തമന പൂജ, ആയിരം കുടം എന്നിവനടക്കും. ദേവസ്വം ബോര്ഡിന്റെയും ക്ഷേത്ര ഉപദേശക സമിതിയുടെയും വിവിധ ഹൈന്ദവ സംഘടനകളുടെയും നേതൃത്വത്തിലാണ് ചടങ്ങുകള് നടത്തുന്നത്.
