കാസര്കോട്: നാടിനെ വെട്ടിമുറിക്കാന് ശ്രമിക്കുന്ന പോപ്പുലര് ഫ്രണ്ടിന്റെ വോട്ട് വാങ്ങാന് കോണ്ഗ്രസിന് എങ്ങനെ സാധിക്കുന്നുവെന്ന് ബിജെപി സംസ്ഥാന അധ്യക്ഷന് കെ.സുരേന്ദ്രന്. മഞ്ചേശ്വരത്ത് പൊതു സമ്മേളനത്തില് സംസാരിക്കുകയായിരുന്നു അദ്ദേഹം. വോട്ടിന് വേണ്ടി എന്തും ചെയ്യുകയാണ് ഇപ്പോള് കോണ്ഗ്രസ്. സിപിഎമ്മിന് മുസ്ലീം ലീഗ് നല്ല പാര്ട്ടിയാണെന്നും കെ.സുരേന്ദ്രന് പരിഹസിച്ചു.
രണ്ട് കൂട്ടരും ചേര്ന്ന് ബിജെപിയെ പരാജയപ്പെടുത്തുമ്പോള് മോദിയുടെ വികസനമാണ് മഞ്ചേശ്വരം മണ്ഡലത്തില് എത്താത്തത്. കഴിഞ്ഞ നിയമസഭാ തെരഞ്ഞെടുപ്പില് മഞ്ചേശ്വരത്ത് പരാജയപ്പെട്ടത് ഇവിടുത്തെ ജനങ്ങളാണ്. കഴിഞ്ഞ തവണ ബിജെപി ഇവിടെ ജയിച്ചിരുന്നെങ്കില് കേന്ദ്ര സര്ക്കാരിന്റെ ഒട്ടേറെ വികസന പദ്ധതികള് വരുമായിരുന്നു. മണ്ഡലത്തില് കുടിക്കാന് വെള്ളമില്ല, നല്ല റോഡില്ല. ആരോഗ്യം, വിദ്യാഭ്യാസം തുടങ്ങി ഒരു മേഖലയിലും വികസനം ഉണ്ടായിട്ടില്ല. കഴിഞ്ഞ കാലങ്ങളില് മഞ്ചേശ്വരം മണ്ഡലത്തില് ലീഗും സിപിഎമ്മും കോണ്ഗ്രസും ഒന്നിക്കുകയായിരുന്നു. എന്നാല് ഇത്തവണ ജനം അത് തിരിച്ചറിഞ്ഞ് ബിജെപിക്ക് വോട്ട് ചെയ്യും. വികസനത്തിനാണ് ബിജെപി വോട്ട് ചോദിക്കുന്നതെന്നും കെ. സുരേന്ദ്രന് പറഞ്ഞു.
പെര്ള സത്യനാരായണ ഹൈസ്കൂള് ഗ്രൗണ്ടിനെ കാവിക്കടലാക്കി മാറ്റിയ പൊതുസമ്മേളനത്തെ കേന്ദ്രമന്ത്രി സ്മൃതി ഇറാനിയുടെ സാന്നിധ്യം ആവേശഭരിതമാക്കി. തുറന്ന വാഹനത്തില് ആയിരക്കണക്കിന് പ്രവര്ത്തകരുടെയും ബാന്റ് മേളത്തിന്റെയും അകമ്പടിയോടെയാണ് സ്മൃതി ഇറാനിയും കെ.സുരേന്ദ്രനും സ്കൂള് ഗ്രൗണ്ടിലേക്ക് എത്തിയത്.
