തിരുവനന്തപുരം: ഷെയ്ന് നിഗമിനെ നായകനാക്കി ടി.കെ രാജീവ് കുമാര് സംവിധാനം ചെയ്യുന്ന പുതിയ ചിത്രത്തിന് ‘ബര്മുഡ’ എന്ന് പേരിട്ടു. ചിത്രത്തിന്റെ ഔദ്യോഗിക പ്രഖ്യാപനവും പൂജയും ഇന്ന് രാവിലെ 11 മണിക്ക് ട്രിവാന്ഡ്രം ക്ളബിലെ ഹാള് 1-ല് വച്ച് നടന്നു. 24 ഫ്രെയിംസിന്റെ ബാനറില് സൂരജ് സി.കെ, ബിജു സി.ജെ, ബാദുഷ എന്.എം എന്നിവര് ചേര്ന്നാണ് ചിത്രം നിര്മ്മിക്കുന്നത്. ഏപ്രില് നാലിന് ചിത്രീകരണം തുടങ്ങുന്ന ചിത്രത്തിന്റെ ലൊക്കേഷന് പൂര്ണ്ണമായും തിരുവനന്തപുരമാണ്. ചിത്രത്തിന്റേതായി ഇറക്കിയ ടൈറ്റില് ലുക്ക് പോസ്റ്ററുകള് ഇതിനോടകം തന്നെ ഏറെ ജനശ്രദ്ധ ആകര്ഷിച്ചു.
ചിത്രത്തില് ഷെയ്ന് നിഗമിനെ കൂടാതെ വിനയ് ഫോര്ട്ട്, ഹരീഷ് കണാരന്, സൈജു കുറുപ്പ്, സുധീര് കരമന, മണിയന്പിള്ള രാജു, ഇന്ദ്രന്സ്, സാജന് സുധര്ശന്, ദിനേഷ് പണിക്കര്,കോട്ടയം നസീര്,ശ്രീകാന്ത് മുരളി, നന്ദു, നിരഞ്ജന അനൂപ്, ഗൗരി നന്ദ, നൂറിന് ഷെറീഫ്, ഷൈനി സാറ തുടങ്ങി വന് താരനിരതന്നെ ചിത്രത്തില് ഉണ്ട്. ഇന്ദുഗോപന് എന്നാണ് ഷെയ്ന് നിഗം അവതരിപ്പിക്കുന്ന കഥാപാത്രത്തിന്റെ പേര്. ഇന്ദുഗോപന് സബ് ഇന്സ്പെക്ടര് ജോഷ്വായുടെ അടുത്ത് ഒരു പരാതിയുമായി എത്തുന്നിടത്തുന്നിന്നാണ് സിനിമയുടെ കഥ വികസിക്കുന്നത്. ഇന്ദുഗോപന് സബ് ഇന്സ്പെക്ടര് ജോഷ്വയായി വിനയ് ഫോര്ട്ടാണ് ചിത്രത്തില് വേഷമിടുന്നത്.
തീര്ത്തും നര്മ്മ പശ്ചാത്തലത്തില് പറയുന്ന സിനിമയുടെ രചന നിര്വഹിച്ചിരിക്കുന്നത് നവാഗതനായ കൃഷ്ണദാസ് പങ്കിയാണ്. മണിരത്നത്തിന്റെ അസോസിയേറ്റായി പ്രവര്ത്തിച്ച ഷെല്ലി കാലിസ്റ്റ് ആണ് സിനിമയ്ക്ക് വേണ്ടി ക്യാമറ ചെയ്യുന്നത്. ശ്രീകര് പ്രസാദ് എഡിറ്റിങ്ങും, വിനായക് ശശികുമാര്, ബീയാര് പ്രസാദ് എന്നിവരുടെ വരികള്ക്ക് രമേഷ് നാരായണ് സംഗീതവും നിര്വ്വഹിക്കുന്നു. പ്രൊഡക്ഷന് ഡിസൈനര്- രാജീവ് കോവിലകം, സൗണ്ട് ഡിസൈനര്- അജിത് ഏബ്രഹാം, വിഷ്വല് ഡിസൈനര്- മുഹമ്മദ് റാസി, കോസ്റ്റും ഡിസൈനര്- സമീറ സനീഷ്, മേക്കപ്പ്- അമല് ചന്ദ്രന്, ചീഫ് അസോസിയേറ്റ് ഡയറക്ടര്-കെ.രാജേഷ് & ഷൈനി ബെഞ്ചമിന്, അസോസിയേറ്റ് ഡയറക്ടര്- അഭി കൃഷ്ണ, പ്രൊഡക്ഷന് കണ്ട്രോളര്- പ്രതാപന് കല്ലിയൂര്, കൊറിയോഗ്രഫി – പ്രസന്ന സുജിത്ത്, പ്രൊഡക്ഷന് എക്സിക്യൂട്ടീവ് – ഹര്ഷന് പട്ടാഴി, പ്രൊഡക്ഷന് മാനേജര് – നിധിന് ഫ്രെഡി, പി.ആര്.ഒ- പി. ശിവപ്രസാദ് & മഞ്ജു ഗോപിനാഥ്, സ്റ്റില്സ് -ഹരി തിരുമല എന്നിവരാണ് മറ്റ് അണിയറ പ്രവര്ത്തകര്.
