ന്യൂദല്‍ഹി: ചൈനയുടെ പട്ടാളക്കാര്‍ പിന്മാറിയതോടെ യുദ്ധത്തിന്റെ കാര്‍മേഘങ്ങള്‍ ഒഴിഞ്ഞ ലഡാക്കിലെ പാങോംങ് സെ തടാകതീരത്ത് ഇന്ത്യന്‍ കരസേന ജവാന്മാര് നൃത്തം ചെയ്യുന്ന വീഡിയോ വൈറലായി.
കേന്ദ്രമന്ത്രി കിരണ്‍ റിജിജു ആണ് ഇന്ത്യന്‍ സൈനികരുടെ ഈ ആഹ്ലാദനൃത്തം ട്വിറ്ററില്‍ പങ്കുവെച്ചത്. ‘പട്ടാളക്കാര്‍ ആഹ്ലാദിക്കുന്നത് കാണുന്നത് ആനന്ദകരമാണ്. ലഡാക്കിലെ പാങോങ് തടാകതീരത്ത് ധീരരായ ഇന്ത്യന്‍ കരസേനയുടെ ഗൂര്‍ഖാ ജവാന്മാരും സഹപ്രവര്‍ത്തകരും സംഗീതത്തിന്റെ അകമ്പടിയോടെ..’ എന്ന അടിക്കുറിപ്പോടെയാണ് കിരണ്‍ റിജിജു വീഡിയോ പങ്കുവെച്ചത്.
താളാത്മകമായ പാട്ടിനൊപ്പം ജവാന്മാര് നൃത്തംവെയ്‌ക്കുന്നതും സന്തോഷിക്കുന്നും വീഡിയോയില്‍ കാണാം. പശ്ചാത്തലത്തില്‍ ഇന്ത്യ-ചൈന പട്ടാളക്കാര്‍ ഉരസിയ പാങോംങ് തടാകവും കാണാം.
