തിരുവനന്തപുരം: നിയമസഭാ തെരഞ്ഞെടുപ്പ് വിജ്ഞാപനം ഇന്ന്. സ്ഥാനാര്ത്ഥികളുടെ നാമനിര്ദ്ദേശ പത്രികാ സമര്പ്പണത്തിനും ഇതോടെ തുടക്കം കുറിക്കുന്നതാണ്. 19വരെ പത്രിക നല്കാം. 20ന് സൂക്ഷ്മ പരിശോധന. പത്രിക പിന്വലിക്കാന് തെരഞ്ഞെടുപ്പ് കമ്മിഷന് 22 വരെ സമയ പരിധി നല്കിയിട്ടുണ്ട്.
അതേസമയം കോവിഡ് പ്രോട്ടോക്കോള് നിലനില്ക്കുന്നതിനാല് പത്രികാ സമര്പ്പണത്തിന് സ്ഥാനാര്ത്ഥിക്കൊപ്പം രണ്ടുപേരെ മാത്രമേ അനുവദിക്കൂ. ഓണ്ലൈനായും പത്രിക സമര്പ്പിക്കാം. ഇതിന്റെ പകര്പ്പ് വരാണാധികാരിക്ക് നല്കിയിരിക്കണം. കെട്ടിവെയ്ക്കാനുള്ള തുകയും ഓണ്ലൈനായി നല്കാം
എന്നാല് പത്രികാ സമര്പ്പണത്തിന് റാലിയായാണ് എത്തുന്നതെങ്കില് നിശ്ചിത അകലം പാലിക്കണം. റാലിക്കായി അഞ്ച് വാഹനങ്ങള് വരെ അനുവദിക്കുന്നതാണ്. അല്ലെങ്കില് രണ്ട് വാഹനം ഉപയോഗിക്കാം.
