ന്യൂദല്‍ഹി: രണ്ട് നാടന്‍ പാട്ടുകാരുടെ വീഡിയോ ഔദ്യോഗിക ട്വിറ്റര്‍ അക്കൗണ്ടില്‍ പങ്കുവച്ച് പ്രധാനമന്ത്രി നരേന്ദ്രമോദി. ഇരുവരുടെയും മധുരമായ ശബ്ദം ഇതിനോടകം പലരെയും അദ്ഭുതപ്പെടുത്തി. ബ്രിജേഷ്ചവോധ്‌രി എന്ന ട്വിറ്റര്‍ ഉപയോക്താവാണ് വീഡിയോ ആദ്യം ട്വീറ്റ് ചെയ്തത്. പിന്നീട് ഇരുവരെയും അഭിനന്ദിച്ച് പ്രധാനമന്ത്രി ഇത് റീ ട്വീറ്റ് ചെയ്യുകയായിരുന്നു. വളരെ നന്നായിട്ടുണ്ട് എന്ന് അര്‍ഥം വരുന്ന ‘ബഹുത് ബഡിയ’ എന്ന കുറിപ്പോടെയാണ് പ്രധാനമന്ത്രി വീഡിയോ പങ്കുവച്ചത്.
ശിവഭഗവാനെക്കുറിച്ചുള്ള ഗാനമാണ് ഇരുവരും പാടുന്നത്. ഒരാള്‍ വയലിനോട് സാമ്യമുള്ള ഉപകരണം വായിക്കുമ്പോള്‍ മറ്റൊരാളുടെ കയ്യില്‍ ഗഞ്ചിറയും കാണാം. ഏഴുലക്ഷത്തോളം പേര്‍ വീഡിയോ ഇതിനോടകം കണ്ടുകഴിഞ്ഞു. ഒരുപാട് അഭിപ്രായങ്ങളും വീഡിയോയ്‌ക്ക് താഴെ നിറയുന്നുണ്ട്. രാജ്യം നിറയെ പ്രതിഭകളെന്ന് ഒരാള്‍ പറഞ്ഞപ്പോള്‍ ആശ്ചര്യം തോന്നുന്നുവെന്നായിരുന്നു മറ്റൊരാളുടെ കമന്റ്. നിങ്ങള്‍ കണ്ടിട്ട് എന്ത് തോന്നുന്നു..?
