മുംബൈ: വ്യവസായി മുകേഷ് അംബാനിയുടെ ആഡംബര വസതിയായ ആന്റിലയ്ക്ക് അടുത്ത് ബോംബുകള് നിറച്ചെത്തിയ എസ് യുവിയുടെ ഉടമസ്ഥന് മന്സുഖ് ഹിരെന് മരിച്ച നിലയില്.
ആന്റിലയുടെ കോമ്പൗണ്ടിനകത്ത് ഉപേക്ഷിക്കപ്പെട്ട നിലയില് കണ്ടെത്തിയ സ്കോര്പിയോയുടെ ഉടമയാണ് മന്സുഖ് ഹിരെന്. നൗപാഡ പൊലീസാണ് ഹിരന്റെ മൃതദേഹം വെള്ളിയാഴ്ച കണ്ടെത്തയിത്.
ആത്മഹത്യയാണ് മരണകാരണമെന്നാണ് പ്രാഥമിക പൊലീസ് നിഗമനം. താനെയിലെ മുംബ്ര കടലിടുക്കില് ചാടി മരിച്ചതാവാമെന്ന് കരുതുന്നു. എന്നാല് ഒരിക്കലും ആത്മഹത്യ ചെയ്യുന്ന വ്യക്തിയല്ല ഹിരെനെന്ന് അദ്ദേഹത്തിന്റെ പ്രകൃതമറിയാവുന്ന വീട്ടുകാര് പറയുന്നു. അദ്ദേഹം വ്യാഴാഴ്ച രാത്രി വിറാറിലുണ്ടായിരുന്നതായി ഒരു ബന്ധു സ്ഥിരീകരിച്ചിട്ടുണ്ട്.
